Home > Advisory Board, Government > ‘ကျွန်တော် အစိုးရိမ်ဆုံးက ဗျူရိုကရက်တွေကိုပဲ’ နိုင်ငံတော်သမ္မတအကြံပေး ဒေါက်တာ နေဇင်လတ်နှင့် တွေ့ဆုံခြင်း

‘ကျွန်တော် အစိုးရိမ်ဆုံးက ဗျူရိုကရက်တွေကိုပဲ’ နိုင်ငံတော်သမ္မတအကြံပေး ဒေါက်တာ နေဇင်လတ်နှင့် တွေ့ဆုံခြင်း

ပြီးခဲ့သည့်နှစ်က အထွေထွေ ရွေးကောက်ပွဲကြီး ပြီးစီးသည့်နောက် မြန်မာနိုင်ငံ၏ တစ်နှစ်တာအတွင်း အပြောင်းအလဲများကို နိုင်ငံတော်သမ္မတ၏ နိုင်ငံရေးအကြံပေး တစ်ဦးဖြစ်သူ ဒေါက်တာနေဇင်လတ် နှင့် မြန်မာတိုင်းမ်မှ ဒုတိယ သတင်း စာတည်း ကျော်ဆုမွန် က တွေ့ဆုံမေးမြန်းခဲ့သည်။
အတွဲ ၂၈ ၊ အမှတ် ၅၄၄ ( ၁၈ – ၂၄ ၊ ၁၁ ၊ ၂၀၁၁)

* ၂၀၁၀ခုနှစ် နိုဝင်ဘာလကနေ ၂၀၁၁ခုနှစ် နိုဝင်ဘာလအတွင်းမှာ အစိုးရသစ်လည်း ပြောင်းလဲသွားပြီ၊ လွှတ်တော်လည်း ခေါ်နေပြီ ဆိုတော့ ဒီကာလတစ်နှစ်အတွင်း အပြောင်းအလဲအပေါ် ဆရာဘယ်လို မြင်ပါသလဲ။

အမှန်က အစိုးရသစ်အနေနဲ့ သက်တမ်းက ခုနှစ်လသားပဲ ရှိပါသေးတယ်။ အဲဒီကာလအတွင်း နိုင်ငံရေးကဏ္ဍဘက်မှာ အင်မတန် ထင်ရှားတဲ့ သမိုင်းဝင်အပြောင်းအလဲတွေ ဖြစ်ခဲ့တယ်။ နိုင်ငံရေးပါတီတွေနဲ့ ကမ္ဘာကတောင် အံ့ဩရတဲ့ အပြောင်းအလဲတွေ ကို မွေးထုတ်နိုင်ခဲ့တယ်။ တခြားကဏ္ဍတွေဖြစ်တဲ့ စီးပွားရေး၊ ပညာရေး၊ ကျန်းမာရေး၊ လူမှုရေးစတဲ့ကဏ္ဍတွေမှာလည်း မူဝါဒ၊ စီမံကိန်း အပြောင်းအလဲတွေ အများကြီးပါပဲ။ ဒါပေမယ့် ရေရှည်ကိစ္စ ရပ်တွေဖြစ်တော့ ချက်ချင်း ရလဒ်တွေကို ထုတ်မပြနိုင်သေးတာပဲ ရှိတာပါ။ အပြောင်းအလဲရဲ့ သဘာဝကို သုံးသပ်ရရင် ‘စစ်မှန်တဲ့ အပြောင်းအလဲ’ဖြစ်ပြီး နောက်ကြောင်း ပြန်မလှည့်တဲ့ အပြောင်း လည်း ဖြစ်တယ်လို့ မြင်တယ်။ အပြောင်းအလဲမှာ ရှုထောင့် တစ်ခုကကြည့်ရင် အဆင့်(၃)ဆင့်ရှိတယ်၊ ပထမအဆင့်က အချိန်မရွေး နောက်ကြောင်း ပြန်လှည့်နိုင်တယ်။ ဥပမာပေးရရင် သမီးရည်းစားအဆင့်ပေါ့။ နောက်တစ်ဆင့်က စေ့စပ်ကြောင်း လမ်းပြီးစီးခြင်း၊ နောက်ကြောင်း ပြန်လှည့်ခွင့် သိပ်နည်းသွားပြီ။ နောက်ဆုံးတစ်ဆင့်က လက်ထပ်ထိမ်းမြားခြင်းပဲ။ အခုအဆင့်က အဆင့်(၂)ကို ရောက်လုနီးပြီလို့ သုံးသပ်တယ်၊ မကြာခင် ကာလမှာ နောက်ကြောင်းပြန်လှည့်လို့ မရတော့တဲ့ စေ့စပ်ကြောင်းလမ်းခြင်း အဆင့်ကို ရောက်တော့မယ်လို့ ယူဆတယ်။

* မြန်မာနိုင်ငံ စီးပွားရေး ပြန်လည် ပြုပြင်ဖို့အတွက်အစိုးရသစ် တက်ပြီးကတည်းက လုပ်လာတာဖြစ်တဲ့ အတွက်အခုကာလအတွင်း ဘယ်လို အကြောင်းအရာတွေက အဓိကပြောင်းလဲသွားတယ်လို့ တွေ့ရပါသလဲ။ ဆရာမြင်တဲ့တွေ့တဲ့ စီးပွားရေး အပြောင်းအလဲတွေကို ပြောပေးပါဦး။

ဖြစ်ပျက်နေတဲ့ စီးပွားရေး အခြေအနေအမှန်ကို သမ္မတကြီး ကိုယ်တိုင် အတော်ကလေး ခြုံငုံသိနေတာက အဓိကအပြောင်းအလဲလို့ ယူဆတယ်။ အရင်က အရှိတရားတွေကို သတင်းပြတ်နေကြ တယ်။ ဒေါ်လာတန်ဖိုး သိပ်ကျသွားတဲ့ အချိန်တစ်ချိန်ရှိခဲ့တယ်။ စီးပွားရေးသမားတွေဆီက အသံထွက်လာတယ်။ ယာယီဈေး ပြန်တက်အောင် လုပ်ပေးနိုင်ခဲ့တယ်။ ဆိုလိုချင်တာက သတင်းမပြတ် တာရယ်၊ လက်တွေ့ကျကျ အရေးယူဆောင်ရွက်တာရယ်၊ လျင်လျင် မြန်မြန် ဆောင်ရွက်ပေးနိုင်တာရယ်က သည်တိုတောင်းတဲ့ ကာလမှာ မြင်သာ ထင်သာတဲ့ အပြောင်းအလဲတွေလို့ တွေ့ရပါတယ်၊ ကျန်တဲ့ ရေတိုရေရှည်စီမံကိန်းတွေကတော့ ဆက်လက် လုပ်ကိုင်ဆဲဖြစ်ပြီး ချက်ချင်းရလဒ်တွေ ထင်သာမြင်သာ မရှိနိုင်သေးတာပဲ ဖြစ်ပါတယ်။ စီးပွားရေးမူဝါဒအသစ်တွေ၊ ဈေးကွက် စီးပွားရေးကို ပိုပြီး ပီပီပြင်ပြင် လိုက်နာကျင့်သုံးနိုင်မှုတွေ၊ ယှဉ်ပြိုင်စွမ်းအားကောင်းဖို့ အတွက် ပြင်ဆင်ဆောင်ရွက်မှုတွေဟာလည်း ထူးခြားတဲ့အပြောင်း အလဲတွေ ဖြစ်ပါတယ်၊

* အခုလိုနိုင်ငံကလိုအပ်တဲ့ စီးပွားရေးအပြောင်းအလဲအတွက် နိုင်ငံတကာ စီးပွားရေးပညာရှင်တွေနဲ့ ဆရာတို့လို ပြည်တွင်း ပညာရှင်တွေက ဘယ်လိုမှတ်ချက်ပေး ပြောဆိုခဲ့တယ်ဆိုတာကို လည်း သိချင်ပါတယ်။

နိုင်ငံရေးမှာလည်း Political Economy ဆိုတာရှိတယ်။ နိုင်ငံရေး ဘောဂဗေဒလို့ ပြောရမှာပေါ့။ နိုင်ငံတစ်ခု တိုးတက်ဖို့ ဆိုရင် အထူးသဖြင့် ကျွန်တော်တို့လို တတိယနိုင်ငံတွေ တိုးတက်ဖို့ ဆိုရင်လိုအပ်တာတွေ ဖြည့်ဆည်းရမှာတွေက အများကြီးပဲ။အယူအဆ သဘောတရားရေးရာကအစ၊ အကောင်အထည်ဖော်မှု လုပ်နည်းလုပ်ဟန်၊ နည်းပညာ၊ စီမံခန့်ခွဲမှုအတတ်ပညာ၊ အရင်းအနှီး၊ ဈေးကွက်၊ ထုတ်လုပ်မှုအင်ဂျင်နီယာစတာမျိုးတွေ အပါအ၀င် အများကြီးပဲ ဖြစ်ပါတယ်၊ အဲတော့အဲဒီလိုအပ်ချက်တွေကို နိုင်ငံ တကာက ရနိုင်တယ်။ နိုင်ငံတကာ ပညာရှင်တွေဆီက Transfer လုပ်ယူနိုင်တယ်။ ကိုယ့်ယဉ်ကျေးမှု၊ ကိုယ့်စရိုက်၊ လက္ခဏာတွေနဲ့ လိုက်လျောညီထွေမှုဖြစ်အောင်တော့ ပြည်တွင်းက ပညာရှင်တွေရဲ့ ပူးပေါင်းမှုကလည်း လိုအပ်တာပေါ့၊ နိုင်ငံတကာနဲ့ ရင်ဘောင် တန်းနိုင်အောင် နိုင်ငံတကာရဲ့ အတွေ့အကြုံတွေကို သုံးတဲ့သဘောလို့ ယူဆနိုင်ပါတယ်။

* လက်ရှိ အာဆီယံအသိုင်းအ၀န်းမှာတင် မြန်မာနိုင်ငံက အမီလိုက် ဖို့ ဘယ်လောက်ကြာအောင် လုပ်ရဦးမယ်လို့ ထင်ပါသလဲ။

ဘယ်သူမှ အတိအတကျ ပြောနိုင်မှာ မဟုတ်ပါဘူး။ အားသာ ချက်တွေ၊ အားနည်းချက်တွေကို နှိုင်းယှဉ်ကြည့်တဲ့အခါ အားသာ ချက်တချို့ကို တွေ့ရပါတယ်၊ မြန်မာလူမျိုးတွေရဲ့ Intelligence ကောင်းမွန်မှု၊ သဘာဝသယံဇာတ အင်အားကောင်းမှု၊ ပထ၀ီ အနေအထား အလေးသာမှုတွေက အားသာချက်ပါ။ စီမံကိန်းနဲ့ အစီအစဉ်ကောင်းတွေကို ရေးဆွဲနိုင်ရင် (၁၅) နှစ်လောက်ဆို မီနိုင် မယ်ထင်တယ်။ အဓိကကတော့ ဗျူရိုကရေစီယန္တရားကို ပြင်ဆင်နိုင် ရမှာ ဖြစ်ပါတယ်။ ကျွန်တော် အစိုးရိမ်ဆုံးက ဗျူရိုကရက်တွေ ကိုပဲ။

* မြန်မာနိုင်ငံအနေနဲ့ အာဆီယံ ဥက္ကဌရာထူးနဲ့ ပတ်သက်ပြီး ဘာများပြောလိုပါသလဲ။

ခန့်မှန်းလို့ရတာက အခုတလောတွေ့ရတဲ့သံတမန်တွေ အားလုံးက အကောင်းဘက် မြင်လာကြပြီးအပြောင်းအလဲအပေါ် ရော၊ သမ္မတကြီးအပေါ်ရော ယုံယုံကြည်ကြည်ဖြစ်လာကြပြီး သူတို့ ဘာလုပ်ပေးရမလဲဆိုပြီးတော့တောင်မှ ပြောလာကြပြီ။ မြန်မာ နိုင်ငံအနေနဲ့လည်း အာဆီယံ ဥက္ကဋ္ဌရာထူးပြန်ရသင့်ပါတယ်။ ရလည်းရလိမ့်မယ်လို့ ယုံကြည်ပါတယ်။ များမကြာခင် ကာလမှာလည်း ပြည်တွင်းမှာရော၊ ပြင်ပကရော သတင်းကောင်းတွေ ကြားလာရနိုင်တယ်လို့ ယုံကြည်ပါတယ်။ မြန်မာနိုင်ငံဟာ မူလအနေအထား (Normalcy) ကို ပြန်ရောက်သွားပြီလို့ နိုင်ငံတကာ အသိအမှတ်ပြုမှုဟာ မဝေးတော့တဲ့ အနာဂတ်ကာလမှာ ရောက်လာတော့မှာပါ။ Normalcy ကနေ ဖွံ့ဖြိုးတိုးတက်မှုကို စိတ်ဖြောင့်ဖြောင့်ကြီး လုပ်ဆောင်လို့ ရသွားကြတော့မှာပါ။

Categories: Advisory Board, Government
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

– လှုပ်ခတ်နေသောမှတ်စုများ (DVB) –

Categories

free counters