Home > DASSK, Press Conference > ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်ပြီးနောက် ၁ နှစ်ပြည့် အထိမ်းအမှတ်သတင်းစာရှင်းလင်းပွဲ (၁၊၂)

ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်ပြီးနောက် ၁ နှစ်ပြည့် အထိမ်းအမှတ်သတင်းစာရှင်းလင်းပွဲ (၁၊၂)

မေသင်္ကြန်ဟိန်၊ ၀င့်သင်ဇာကျော်(မြစ်မခ)  by Myit Makha Mediagroup on 14 Nov, 2011

နေ့လည်  ၁နာရီမှ စတင်မြဲ့ သတင်းစာရှင်းလင်းပွဲမှာ နေ့လည် ၁၂နာရီလောက်ကတည်းက သတင်းထောက်တော်တော်များများရောက်ရှိပြီး နေရာယူပြီးကြပါပြီ။

ကျမက ရုံးခန်းထဲမ၀င်ခင် ရုံးရှေ့ကနေ ဓါတ်ပုံရိုက်ဖို့ ပြင်ဆင်နေတုန်း အဖွဲ့ဝင် လူငယ်တဦးက ကျမကို သတိလာပေးတယ်။ အမ အထဲမှာ နေရာမရဘဲနေလိမ့်မယ်။ ပြန်အထွက်မှ ရိုက်ပါလားလို့ လာပြောပါတယ်။

ဟုတ်ကဲ့လို့ ကျမပြောပြီး ၀င်လာတော့ အပေါက်ဝမှာ မီဒီယာ နံပတ်ကဒ်ပြား ချိတ်ဖို့ သတိပေးတာနဲ့ ချိတ်ပြီး အ၀င်ဝမှာ နာမည်စာရင်းကို ပြောရပါတယ်။ ပြီးခဲ့တဲ့အပတ်ကတည်းက နာမည်စာရင်းပေးထားခဲ့တဲ့ ကျမနာမည်နဲ့ နံပတ်ကို အ၀င်ဝ လူငယ်တွေက မှင်ဝါတန်လေးနဲ့ ခြစ်ပြီးဝင်လို့ရပါပြီလို့ ပြောပါတယ်။

အန်အယ်ဒီရုံးအောက်ထပ် ခန်းမထဲမှာတော့ သတင်းထောက်တွေနဲ့ ပြည့်လုနီးပါးဖြစ်နေပါပြီ။ ဒီတခါ သတင်းစာရှင်းလင်းပွဲကို စီစဉ်တာကတော့ အရင်ကထက်အများကြီး ပိုစနစ်ကျလာတာကို တွေ့ရပါတယ်။

ရှေ့မှာ ပလစ်စတစ်ထိုင်ခုံနီနီလေးတွေ စုစုပေါင်း ခုန် ၈၀လောက်ချထားပေးပါတယ်။ အဲဒီခုန်တွေရဲ့ နောက်မှာတော့ ဓါတ်ပုံရိုက်တဲ့သူတွေအတွက် အဆင်ပြေအောင် ခုံတွေကို တန်းပြီး စီပြီချထားပေးပါတယ်။

ဓါတ်ပုံသမားတွေကတော့အဲဒီပေါ်မှာ တက်ပြီးဓါတ်ပုံရိုက်ရပါမယ်။ ခုံမှာထိုင်တဲ့သူတွေကတော့ မေးခွန်းမေးခွင့်ရှိတယ်။ ဒါပေမဲ့ ဓါတ်ပုံမရိုက်ပါနဲ့လို့လည်း စည်းကမ်းလေး ထားပါတယ်။

ကျမတို့ မြစ်မခမီဒီယာက ကျမနဲ့ ၀င့်သင်ဇာကျော်တို့ တက်ခဲ့ပါတယ်။ မီဒီယာတခုကို လူ၂ ဦး တက်ခွင့်ပြုခဲ့တဲ့အတွက်ပါ။ ကျမကတော့ ရောက်တာနည်းနည်းနောက်ကျသွားတဲ့အတွက် နောက်တန်းက ခုံတွေနားမှာ ထိုင်ပြီး ၀င့်သင်ဇာကျော်ကတော့ နောက်က ဓါတ်ပုံရိုက်တဲ့သူတွေကို သတ်မှတ်ပေးထားတဲ့ နေရာမှာ နေရာယူရပါတယ်။

ပြည်တွင်းပြည်ပ သတင်းထောက်တွေ အားလုံး တွက်ကြည့်မယ်ဆိုရင် သတင်းထောက်ပေါင်း ၁၂၀ လောက် တက်ကြတာ တွေ့ရပါတယ်။

သတင်းစာရှင်းလင်းပွဲရဲ့ အခမ်းနားမှူးကို အန်အယ်ဒီအဖွဲ့က ပြန်ကြားရေးအဖွဲ့က ဦးအုန်းကြိုင်က ဆောင်ရွက်ပါတယ်။

အန်တီက ဒီနေ့မှာလည်း အဖြူရောင်ပန်းတွေ ဝေနေအောင်ပန်ထားပါတယ်။ ဒါ့အပြင် အန်အယ်ဒီဗဟိုအမျိုးသမီးအဖွဲ့ရဲ့ ဇွန်ပန်းကုံးတွေနဲ့ လည်မှာအပြည့်ပါ၊ အဖြူရောင်ပိတ်ဖောက်ဇာပေါ်မှာ နီညိုရောင် ပန်းခက်လေးတွေ ပါတဲ့ မြန်မာအကျီာင်္လေးကို ၀တ်ထားပြီး၊ ဗမာချည်လုံချည် နီညိုရောင်လေးကို ၀တ်ဆင်ထားပါတယ်။

အမြဲတမ်း ဗမာဆန်ဆန်ကျက်သရေ ရှိတဲ့ ဒေါ်အောင်ဆန်းစုကြည်က ဒီနေ့မှာလည်း ကျက်သရေရှိရှိ လှပနေတာကို ကျမတို့ အနီးကပ်ငေးမောခွင့်ရခဲ့ကြပါတယ်။

နိုင်ငံခြားသားသတင်းထောက်တွေလည်း ရှိတဲ့အတွက် အန်တီ(ဒေါ်အောင်ဆန်းစုကြည်)က အင်္ဂလိပ်လိုပဲ ခုလို သတင်းစာရှင်းလင်းပွဲ ကျင်းပရခြင်းအကြောင်းရင်းကို ပြောပါတယ်။

`ကျမတို့ သတင်းစာ ရှင်းလင်းပွဲ လုပ်ရတဲ့ အကြောင်းရင်းကတော့ ဒီတစ်နှစ်အတွင်းမှာ ဘာတွေ လုပ်ခဲ့တယ် ဆိုတာ မေးချင်မြန်းချင်တဲ့ မီဒီယာအုပ်စုတွေက အများကြီးဆိုတော့ တစ်ယောက်ချင်း တစ်ယောက်ချင်း တွေ့ပြီး ဆွေးနွေးတာက အခက်အခဲ ရှိလို့ အားလုံး စုပြီးတော့ သတင်းစာရှင်းလင်းပွဲ တစ်ခုလုပ်တာ ဖြစ်ပါတယ်။

အဲတော့ ကျွန်မတို့ အနေနဲ့ ဒီသတင်းစာရှင်းလင်းပွဲမှာ စဉ်းစားရမှာက ဒီနှစ်အတွင်းကို ကျွန်မတို့ ဘာတွေ ဖြစ်မြောက်ခဲ့လဲ ဆိုတာကို အဓိကထားပြီးတော့ သိချင်ကြလိမ့်မယ်လို့ ထင်ပါတယ်။ အဲဒီတေ့ာ ကျွန်မတို့ အမျိုးသား ဒီမိုကရေစီ အဖွဲ့ချုပ်က နိုင်ငံရေး အဖွဲ့အစည်း ဆိုတော့ နိုင်ငံရေးကိုတော့ ပထမ ဦးစားပေး ပြီးတော့ ပြောချင်ပါတယ်။

ကျွန်မတို့ နိုင်ငံရေးနဲ့ ပတ်သက်လို့ စပြီိး တည်ထောင်စဉ် ကာလတည်းက အကြမ်းမဖက်တဲ့ လမ်းစဉ်နဲ့ ဒီမိုကရေစီ ရရှိရေးကို ဖြစ်မြောက်ဖို့ လုပ်မယ်ဆိုပြီးတော့ ကျွန်မတို့ မူချခဲ့တာပါ။ ဒီအတိုင်းပဲ ကျွန်မတို့ဟာ အနှစ်နှစ်ဆယ်လုံး ဒီလမ်းကို လျှောက်ခဲ့ပါတယ်။

အခုနှစ်မှာ ဆိုရင် ထူးထူးခြားခြား နိုင်ငံရေးဖြစ်စဉ် အနေနဲ့ ပြောရမယ်ဆိုရင် ကျွန်မနဲ့ သမ္မတကြီး ဦးသိန်းစိန်၊ ဝန်ကြီး ဦးအောင်ကြည်တို့ တွေ့ဆုံကြတဲ့ ရလဒ်အရ အပြောင်းအလဲတွေ ရှိခဲ့ပါတယ်။ အများ အခုဆိုရင် စိတ်ဝင်စား နေတာက NLD ဟာ ပြန်ပြီးတော့ နိုင်ငံရေး ပါတီအဖြစ် မှတ်ပုံတင်မလား မတင်ဘူးလား၊ နောက်ပြီးတော့ ကြားဖြတ် ရွေးကောက်ပွဲ တွေမှာ ဝင်မလား မဝင်ဘူးလား ဆိုတဲ့ကိစ္စ ဖြစ်ပါတယ်။

နိုင်ငံရေးပါတီများ မှတ်ပုံတင်ရေး ဥပဒေနဲ့ ရွေးကောက်ပွဲ ဥပဒေတွေနဲ့ ပတ်သက်လို့ လွှတ်တော်က အပြောင်းအလဲ တစ်ခုလုပ်ပြီးတော့ သမ္မတကြီး ကလည်း လက်မှတ်ထိုး ပြီးပြီ ဆိုတော့ ၁၈ ရက်နေ့ကျရင် အမျိုးသား ဒီမိုကရေစီ အဖွဲ့ချုပ်ရဲ့ ဗဟိုအစည်းအဝေး ခေါ်ပြီးတော့ ဆုံးဖြတ်ချက် ချမှာ ဖြစ်ပါတယ်။ ဒါကြောင့်မို့လို့ အခု သတင်းစာရှင်းလင်းပွဲမှာ မှတ်ပုံတင်ရေး၊ မတင်ရေး ကိစ္စတွေကို မမေးပါနဲ့။ ကျွန်မက ၁၈ ရက်နေ့အထိ စောင့်ပါလို့ပဲ ပြောမှာပါပဲ။ အဲဒါမေးရင် မေးရကျိုး နပ်မယ် မထင်လို့ မမေးပါနဲ့။

တခြား နိုင်ငံရေးနဲ့ ပတ်သက်တဲ့ ကိစ္စတွေမှာတော့ နိုင်ငံရေး အကျဉ်းသား။ ဒီနှစ် အတွင်းမှာ နိုင်ငံရေးအကျဉ်းသား အချို့လွတ်လာတာ ရှိပါတယ်။ ဒါပေမဲ့ အကျဉ်းထောင်တွေမှာ ကျန်ရှိနေ သေးတဲ့ နိုင်ငံရေးသမားတွေ ရှိသေးတယ် ဆိုတာလဲ အများ သိပြီးသား ဖြစ်ပါတယ်။ ဒီနေ့တောင်မှ ထပ်ပြီးတော့ လွှတ်မယ် ဆိုတာကို ကျွန်မတို့ ကြားနေရပါတယ်။ အခုထိတော့ တိတိကျကျ ကျွန်မတို့ ဘာမှ မသိရသေးပါဘူး။ အခုထိတော့ ဒါ လွှတ်တော့မယ် လွှတ်တော့မယ်လို့ ပြောတာကိုပဲ ကျွန်မတို့ ကြားနေရတာ ဖြစ်ပါတယ်။ နိုင်ငံရေး အကျဉ်းသားအားလုံး လွတ်မြောက်ရေးဟာ ကျွန်မတို့ အမျိုးသား ဒီမိုကရေစီ အဖွဲ့ သာမက ဒီမိုကရေစီ လိုလားတဲ့သူ အားလုံးရဲ့ ရည်မှန်းချက် ဖြစ်ပါတယ်။

နောက်တစ်ခု ကတော့ ကျွန်မတို့ နိုင်ငံမှာ အခု အားလုံးအတွက် စိတ်ပူစရာ စိတ်မအေးစရာ ဖြစ်နေတာက ပြည်တွင်း ငြိမ်းချမ်းရေး ကိစ္စပါပဲ။ အထူးသဖြင့် ကချင်ပြည်နယ်မှာ ဆိုလို့ရှိရင် တိုက်ခိုက်မှုတွေ ဖြစ်နေတာဟာ ကျွန်မတို့ နိုင်ငံအတွက် အင်မတန်မှ စိုးရိမ်ဖွယ်ရာ ဝမ်းနည်းစရာ ကိစ္စ ဖြစ်ပါတယ်။

ကျွန်မ ဂျူလိုင်လ တုန်းကဆိုရင် သမ္မတကြီး ဦးသိန်းစိန်နဲ့ တိုင်းရင်းသား အဖွဲ့အစည်း အချို့ကို အိတ်ဖွင့်စာ ပေးပြီးတော့ ဒီတစ်နိုင်ငံလုံး အပစ်အခတ် ရပ်စဲရေး လုပ်ဖို့ နောက်ပြီးတော့ အေးအေးချမ်းချမ်းနဲ့ ပြဿနာတွေ ဖြေရှင်းဖို့ ကျွန်မ တိုက်တွန်းခဲ့ပါတယ်။ ကျွန်မ အနေနဲ့ ဘယ်နေရာက ဖြစ်ဖြစ် ကူညီနိုင်ရင်လည်း ကူညီပါမယ်လို့ ကျွန်မ ပြောပါရစေ။ အခုလည်း ဒီအတိုင်းပါပဲ။ ကျွန်မ တစ်ယောက်တည်း အနေနဲ့ သော်လည်းကောင်း၊ အမျိုးသား ဒီမိုကရေစီ အဖွဲ့ချုပ် အနေနဲ့ သော်လည်းကောင်း၊ ပြည်တွင်း ငြိမ်းချမ်းရေးနဲ့ ပတ်သက်လို့ တစ်နည်း တစ်နေရာက နေပြီးတော့ ကူညီနိုင်မယ် ဆိုလို့ရှိရင် ကျွန်မတို့က နေပြီး ဝင်ရောက် ပါဝင် ကူညီဖို့ အဆင်သင့် ဖြစ်ပါတယ် ဆိုတာ ကျွန်မ ထပ်မံပြီးတော့ ပြောချင်ပါတယ်။

ကျွန်မတို့ နိုင်ငံမှာ အခုနှစ်အတွင်း အဖြစ်အပျက်တွေ အပေါ်မှာ အခြေခံပြီး အင်မတန်မှ အရေးကြီးတဲ့ ကိစ္စတစ်ခုလို့ ကျွန်မ မြင်တာကတော့ ဥပဒေစိုးမိုးရေး ကိစ္စပါ။ လူ့အခွင့်အရေးနဲ့ ပတ်သတ်ပြီးတော့ပဲ ဖြစ်ဖြစ် နိုင်ငံရေး အကျဉ်းသားတွေ လွှတ်ပေးဖို့ပဲ ဖြစ်ဖြစ် ပြည်တွင်း ငြိမ်းချမ်းရေးနဲ့ ပတ်သတ်လုိ့ပဲ ဖြစ်ဖြစ် စီးပွားရေး၊ လူမှုရေး တိုးတက်မှုနဲ့ ပတ်သတ်လို့ပဲ ဖြစ်ဖြစ် ဥပဒေစိုးမိုးရေး မရှိလို့ကတော့ ကျွန်မတို့ဟာ သိပ်ပြီးတော့ လုပ်နိုင်မှာ မဟုတ်ပါဘူး။ ဘာဖြစ်လို့လဲ ဆိုတော့ နိုင်ငံရေးအကျဥ်းသား ဆိုတာကလည်း ဥပဒေစိုးမိုးတဲ့ နိုင်ငံတွေမှာ ရှိလေ့ရှိထ မရှိပါဘူး။

နောက် စီးပွားရေးနဲ့ ပတ်သက်လို့လည်း ရင်းနှီးမြှုပ်နှံမှုတွေ တကယ်ပဲ လာစေချင်တယ် ဆိုလုိ့ရှိရင် ဒီမှာလည်း ကျွန်မတို့က ဥပဒေစိုးမိုးရေး လိုပါတယ်။ လာပြီးတော့ ရင်းနှီးမြှုပ်နှံဖို့ စဉ်းစားမဲ့သူ တွေက ­­ဒီနိုင်ငံမှာ ဥပဒေစိုးမိုးမှု ရှိ၊ မရ­­­­­­­ှိ ဆိုတာကို သေသေချာချာ ကြည့်ပြီးမှ သူတို့ ရင်းနှီးသင့်တယ်၊ မရင်းနှီးသင့်ဘူး ဆိုတာကို သေသေ ချာချာ ဆုံးဖြတ်မှာ ဖြစ်ပါတယ်။ နောက်ပြီးတော့ ကျွန်မတို့ နိုင်ငံ တိုးတက်ရေး အတွက် လူတွေဟာ စိတ်လုံခြုံဖို့ ဆိုရင် ဥပဒေစိုးမိုးရေး ဆိုတာ ရှိရမယ်။ ဥပဒေ စိုးမိုးရေးက ဘာပေါ်မှာ မူတည်လဲ ဆိုတော့ လွတ်လပ်တဲ့ တရားရေးမဏ္ဍိုင် ရှိရမယ်။ တရားရေး မဏ္ဍိုင်ဟာ လွတ်လပ်ရမယ်။ သန့်ရှင်းရမယ်။ ဒီလို သန့်ရှင်းပြီးတော့ လွတ်လပ်တဲ့ တရားရေးမဏ္ဍိုင် မရှိလို့ကတော့ ကျွန်မတို့ နိုင်ငံမှာ ဥပဒေစိုးမိုးရေးက မရှိနိုင်ပါဘူး။

ဒါဟာ နိုင်ငံတစ်နိုင်ငံအတွက် အင်မတန်မှ အရေးကြီးတဲ့ ကိစ္စလို့ ကျွန်မ မြင်ပါတယ်။ ဒီဟာဟာ ဒီမိုကရေစီ အတွက် မရှိမဖြစ် ရှိရမဲ့ ကိစ္စတစ်ခု ဖြစ်ပါတယ်။ ဒီမိုကရေစီအတွက် အဆောက်အအုံတွေ ခိုင်မာဖို့ဆိုတာ လွတ်လပ်ပြီး သန့်ရှင်းတဲ့ တရားရေး မဏ္ဍိုင်ဟာ အဓိကပါပဲ။ အဲဒီတော့ အဲဒီဟာအတွက် ကျွန်မတို့ဟာ ဆက်ပြီးတော့ ကြိုးစားသွားပါ့မယ် ဆိုတာလေး ကျွန်မ ပြောချင်ပါတယ်။

ကျွန်မတို့ အရင်နှစ်က ကျွန်မ ဒီလိုနေ့မှာပေါ့ ၁၄ ရက်နေ့မှာ ရုံးရှေ့မှာပြည်သူနဲ့ စကားပြောတဲ့ အခါမှာ ကျွန်မတို့ ဒီမိုကရေစီ ကွန်ယက်တစ်ခု ဖွဲ့စည်းဖို့ ပြောခဲ့ပါတယ်။ ဒီကွန်ယက် လာတော့ ကျွန်မတို့ အားရလောက်အောင် လုပ်နိုင်ခဲ့တယ်လို့ ပြောနိုင်ပါတယ်။ အထူးသဖြင့် ပညာရေးဘက်မှာ ဆိုလို့ရှိရင် ကျွန်မတို့ တော်တော် အောင်အောင်မြင်မြင် ရှိပါတယ်။ တခြား ကျန်းမာရေး၊ လူမှုရေး လူသားချင်း စာနာတဲ့ နေရာတွေမှာလဲ ကျွန်မတို့ တော်တော် အောင်အောင်မြင်မြင် ရှိပါတယ်။

နောက်ပြီးတော့ ခုတစ်ခေါက် ဥပဒေနဲ့ ပတ်သက်လို့ ပြောရမယ်ဆိုရင် ရှေ့နေကွန်ယက် တွေကိုလည်း ဖွဲ့နိုင်ခဲ့ ပါတယ်။ ဒါဟာ ကျွန်မတို့ ဥပဒေစိုးမိုးရေး အတွက် အထောက်အကူ ဖြစ်မယ်လို့ မျှော်လင့်ပါတယ်။ ဒီလို တိုးတက်မှုတွေ ရှိပေမဲ့ လုံလောက်သလား ဆိုတော့ ကျွန်မအနေနဲ့ လုံလောက်တယ် ဆိုတဲ့ စကားလုံးကို မသုံးချင်ပါဘူး။ ဘာဖြစ်လို့လဲဆိုတော့ လုံလောက်ပြီ ကျေနပ်လောက်ပြီ ဆိုတဲ့ အဓိပ္ပါယ်က ထပ်ပြီးတော့ လုပ်ဖို့ မလိုတော့ဘူး ဆိုတဲ့ အဓိပ္ပါယ်လေး နည်းနည်း ရောက်လို့ ဖြစ်ပါတယ်။ ကျွန်မတို့ ထပ်ပြီး လုပ်စရာတွေ အများကြီး ရှိပါသေးတယ်။ ဒါပေမဲ့လည်း တစ်ဖက်ကလည်း ဒီလို အပြုသဘော ဆောင်တဲ့ အမြင်နဲ့ မြင်ဖို့ လိုပါတယ်။

တိုးတက်ဖို့ ဆိုတာက အမြင်တွေကိုလည်း ပြောင်းလဲသင့်တဲ့ အချိန်မှာ ပြောင်းလဲရမယ်။ ကျွန်မတို့ဟာ ယုံကြည်ချက် ပေါ်မှာ အခြေခံ ပြီးတော့ စွန့်စားသင့်တဲ့ အချိန်မှာလည်း စွန့်စားရမယ်။ အဲဒီလို လုပ်မှသာလျှင် ကျွန်မတို့ လိုချင်တဲ့ ဒီမိုကရေစီ လမ်းကြောင်းကြီးက ပွင့်သွားမှာပါ။ဒီတော့ မပွင့်သေးဘူးလား လို့ တစ်ချို့က ပြောမယ်။ ဒီလို ကျွန်မ ပြောခြင်းအားဖြင့် ဒီိမိုကရေစီ လမ်းကြီးက မပွင့်သေးဘူးလား လို့ ပြောတာလား ဆိုရင် ဒီလမ်းဟာ ပွင့်ပြီလုိ့ အားလုံးကနေ လက်ခံနိုင်တဲ့ အခြေအနေတော့ မရောက်သေးပါဘူး လို့ ကျွန်မ ပြောပါရစေ။ အဲတော့ ဒီအခြေအနေ ရောက်ဖို့ဟာ ကျွန်မတို့ အားလုံး ကြိုးစားဖို့ လိုပါတယ်။

အဲဒီလို ပြောပြီးတဲ့နောက်မှာတော့ အခမ်းနားမှူးက အခမ်းနားအစီစဉ် အရသတင်းထောက်များက မေးမြန်းရမှာဖြစ်ကြောင်း သတင်းထောက်တဦးလျှင်ေ မးခွန်း ၂ ခုမေးခွင့်ရှိကြောင်း ပြောပါတယ်။

ပထမဦးဆုံး ထမေးတဲ့ သတင်းထောက်ကတော့ ရှေ့ဆုံးတန်းက ထိပ်ဆုံးနေရာမှာ ထိုင်နေတဲ့ သာလွန်ဇောင်းထက်ပါ၊ သူက အသံဂျာနယ်က အယ်ဒီတာတယောက်ဖြစ်ပါတယ်။

ကျနော်က The Voice ဂျာနယ်က လှိုင်းသစ်ဇင်ဝေပါ၊ အယ်ဒီတာ ပါလို့ သူ့ကိုသူ မိတ်ဆက်ပြီး မေးခွန်းကို ခုလိုစမေးပါတယ်။

မေး။      ။ သတင်းစာရှင်းလင်းပွဲမှာ လူ့အခွင့်အရေးကော်မရှင်ကနေပြီးတော့  နိုင်ငံရေးအကျဉ်းသား ငါးရာရှိတယ်ပြောတယ် ကျွန်တော်တို့မီဒီယာတွေနဲ့ တခြားအဖွဲ့အစည်းတွေက ပြောတာက နှစ်ထောင်ဆိုတာမဟုတ်ဘူး တကယ်လို့သာသူတို့က နိုင်ငံရေးအကျဉ်းသားအားလုံးလွှတ်ပေးမယ်ဆိုရင် ငါးရာလောက်သာ လွှတ်ပေးနိုင်မယ် အဲ့လိုသဘောပေါ်မှာ အန်တီဒေါ်အောင်ဆန်းစုကြည်အနေနဲ့ ဘယ်လိုမြင်ပါသလဲ။

ဖြေ။       ။အဖွဲ့ချုပ်စာရင်းမှာပေါ့ နိုင်ငံရေးအကျဉ်းသား ငါးရာနှစ်ဆယ့်ငါးယောက် လို့ပြောပါတယ် ဒါပေမဲ့အခု ကိုးဆယ်နဲ့ငါးယောက်ဖြစ်ပါတယ် ဒါက အဖွဲ့ချုပ်ရဲ့ စာရင်းပါ အဖွဲ့ချုပ်စာရင်းဟာ အစိုးရရဲ့စာရင်းနဲ့ နှစ်ရာလောက်တော့ ကွာပါတယ် ဒါပေမဲ့ တချို့စာရင်းတွေဆိုရင် နှစ်ထောင်လောက်ရှိတယ်ဆိုတာ မှန်ပါတယ် အဲ့ဒီ အပြင်ကရတဲ့စာရင်းတွေကို ကျွန်မတို့ တတ်နိုင်သလောက် စုံစမ်းပါတယ် စုံစမ်းတော့ တချို့အဲ့စာရင်း တွေထဲမှာပါတဲ့ တချို့အကျဉ်းသားတွေက လွတ်သွားတာကြာပြီဆိုတာ ကျွန်မတို့ တွေ့ရပါတယ် ဒါပေမဲ့ ကျွန်မတို့ အားလုံးကိုတော့ တိတိကျကျ မစုံစမ်းနိုင်သေးပါဘူး အခုကျွန်မတို့ ငါးရာနဲ့ကိုးဆယ့်တစ်ယောက် ဆိုတော့ သတ်မှတ်ထားတာ ကျွန်မတို့သေသေချာချာ အကျဉ်းထောင်ထဲမှာ ရှိသေးတယ်ဆိုတာ သိတဲ့နိုင်ငံရေး အကျဉ်းသားများဖြစ်ပါတယ်။

ဒီငါးရာကိုးဆယ့်နဲ့တစ်ယောက် မလွတ်သေးဘူးဆိုရင် လွတ်ပါလွတ်ပါဆိုပြီး ဆက်ပြီးပြောရမှာပေါ့

မေး။      ။ အန်တီမှတ်ပုံတင်မဲ့အပေါ်မှာရော ဘာများထူးခြားမှုရှိပါသလဲ။

ဖြေ။       ။အဲ့ကိစ္စကို ဒီ၁၈ရက်နေ့ကျမှ ပြောမယ် မှတ်ပုံတင်ကိစ္စမပြောရဘူးလို့ ပြောထားပြီးသား ကွေ့ကောက် ပြီးတော့ မမေးနဲ့မရဘူး ။

နောက်တဦးကတော့ ၃ တန်းမြောက်ကပါ၊ ပြည်တွင်းဂျာနယ်တစောင်က လူငယ်သတင်းထောက်ဦးပါပဲ။

မေး။      ။အန်တီထွက်လာပြီးတဲ့နောက်မှာ ဦးအောင်ကြည်နဲ့ လေးကြိမ် သမ္မတနဲ့တစ်ကြိမ် အားလုံးပေါင်းငါးကြိမ် အဲ့လိုတွေ့ဆုံပြီးတဲ့နောက်မှာ ပြုပြင်ပြောင်းလဲမှု ဖြစ်ပေါ်လာတဲ့ရလဒ်ကြည့်ရင် ဧရာဝတီမြစ်ဆုံရပ်တာတို့ နိုင်ငံရေးအကျဉ်းသားလွတ်တာတို့ အဲ့အပေါ်မှာ ဒေါ်စုကိုယ်တိုင် သဘောထားအမြင် ဘယ်လိုသဘောထား ရှိသလဲ တွေ့ဆုံဆွေးနွေးပြီးနောက်ပိုင်း ဘယ်လောက်အတိုင်းအတာထိရှိလာသလဲဆိုတာပေါ့။

ဖြေ။       ။စောစောကပြောခဲ့တဲ့ စကားအတိုင်းဘဲ ကျေနပ်တယ် ဆိုတဲ့စကားကိုမသုံးချင်ဘူးဆိုတာ ကျေနပ်တယ်ဆိုတာ ထပ်ပြီးတော့ လုပ်ဖို့မလိုတော့ဘူးဆိုတဲ့ အဓိပါယ်လေး နည်းနည်းပါလာလို့ ဖြစ်ပါတယ် ကျွန်မပြောချင်တာက သမ္မတကြီးဦးသိန်းစိန်ပြောသွားတဲ့ ဟာတွေကိုတော့ ကျွန်မအင်မတန်မှ အားတက်ပါတယ် သမ္မတကြီးအနေနဲ့ တကယ်ဘဲ ဒီနိုင်ငံကို တိုးတက်မှုလိုချင်တယ် ကျွန်မတစ်ဦးတင်ဘဲ ဒီလိုယုံကြည်ပါတယ်။

နောက်တဦးကတော့ ရန်ကုန်တိုင်းဂျာနယ်က ဒုတိယအယ်ဒီတာချုပ် ဒီမင်းက မေးပါတယ်။ ၁၉၉၀ ခုနှစ်ရွေးကောက်ပွဲနဲ့ပတ်သက်တဲ့မေးခွန်းလို့ သိလိုက်ရပါတယ်။ မေးခွန်း အသေးစိတ်တော့ မှတ်နေရင်းနဲ့ပဲ

မေ့သွားခဲ့ပါတယ်။

ဖြေ။       ။ ရွေးကောက်ပွဲတရားဝင်မှု မ၀င်မှုဆိုတာ ဒါကတော့ ဘယ်သူမှ မေးခွန်းထုတ်စရာမရှိပါဘူး ဒီလွှတ်တော်ထဲက ဥက္ကဌတစ်ယောက်ကနေပြီးတော့ ဒီလို ၁၉၉၀ ခုနှစ် ရွေးကောက်ပွဲမှာ အန်အယ်လ်ဒီ နိုင်ခဲ့တာကို အသိအမှတ်ပြုပါတယ်ဆိုတာ ဒါဟာတော့ ကောင်းတဲ့လက္ခဏာလို့ အန်တီမြင်ပါတယ်။နိုင်ငံရေး လုပ်တဲ့နေရာမှာ အားလုံးပါဝင်မှုကိုဦးတည်ပြီးတော့ ပြောတဲ့စကားဘဲလို့ ကျွန်မဒီလိုဘဲ သုံးသပ်ပါတယ် ။သမိုင်းမှာ ၀င်လာတယ်ဘဲရှိတယ် ထားခဲ့တယ်ဆိုတာ မရှိပါဘူး ၁၉၉၀ခုနှစ် ရလဒ်ဟာ သမိုင်းဝင်ရလဒ် ဖြစ်ပါတယ် ။

နောက်တဦးကတော့ ဒေါ်အေးအေးဝင်းက မေးလိုက်တဲ့ မေးခွန်းဖြစ်ပါတယ်။

မေး။      ။အမခုဏကပြောသွားတဲ့အထဲမှာ ဒီမိုကရေစီလမ်းပွင့်ပြီလို့ အများကလက်ခံတဲ့ အခြေအနေမရသေးဘူးဆိုတော့ အဲ့အခြေအနေရအောင် ဘာလိုနေသေးပါသေးလဲ နောက်

ဖြေ။       ။ ပြည်သူတွေဟာ တကယ်ဘဲသူတို့ရဲ့ ဘ၀တွေ ဒီမိုကရေစီ ဖြစ်နိုင်တယ်ဆိုတာ ယုံကြည်လာလို့ရှိရင် လမ်းပွင့်လာပြီလို့ ဆိုရမှာပေါ့ ပိုပြီးတိတိကျကျ ပြောရရင်တော့ ကျွန်မရဲ့အမြင်မှာတော့ ဥပဒေစိုးမိုးရေး ရှိတယ်ဆိုတာ ပြည်သူတွေက ယုံကြည်လာလို့ရှိရင် ဒီမိုကရေစီလမ်းကြီးဟာ ကောင်းကောင်းပွင့်သွားပြီလို့ ကျွန်မပြောနိုင်မှာဖြစ်ပါတယ်။

မေး။      ။ တိုင်းရင်းသားတွေနဲ့ ပတ်သက်ပြီးတော့ရော အမအမြင်ပြောပြပေးပါ။

ဖြေ။       ။ကျွန်မတို့က တိုင်းရင်းသားတွေနဲ့ငြိမ်းချမ်းဖို့ဆိုရင် တန်းတူညီတူရေးဆိုတာ ရှိရမယ် အပြန်အလှန် ယုံကြည်ခြင်း အပြန်အလှန်လေးစားခြင်းဆိုတာ ရှိရမယ် ဒါပေမဲ့ နေ့ချင်းညချင်းဖြစ်နိုင်မယ့် ကိစ္စတွေ မဟုတ်ပါဘူး ကျွန်မတို့ဒီတိုင်းရင်းသားတွေ အားလုံးသည် တိုင်းရင်းသားတွေဆိုရင် ကျွန်မ ဗမာတွေကို ထည့်ထည့်ပြောပါတယ် ကျွန်မတိုင်းရင်းသားတွေ ကြားမှာ ငြိမ်းချမ်းမှုဆိုတာ အားလုံး ဗမာတွေကလည်း တခြားတိုင်းရင်းသားတွေနဲ့ အတူတူဘဲ အားလုံးဟာ အေးအေးချမ်းချမ်းနေဖို့ဆိုရင် အင်မတန်မှကြိုးစားပြီး လုပ်ရမယ့်ကိစ္စပါ လွယ်လွယ်နဲ့တော့ ဖြစ်မှာမဟုတ်ပါဘူး ဘာဖြစ်လို့လဲဆိုရင် သမိုင်းအစဉ်အလာကြောင့် တစ်ယောက်နဲ့တစ်ယောက် မယုံကြည်တဲ့စိတ် တစ်ယောက်နဲ့တစ်ယောက် သံသယနဲ့မြင်တဲ့အလေ့အထတွေ ရှိတဲ့စိတ် ဒါတွေပပျောက်ဖို့ဆိုတာ ကျွန်မတို့အဖွဲ့ချုပ်ရဲ့ နိုင်ငံရေးမူအရ ပြောရမယ်ဆိုရင် ပထမဆုံးစပြီး ပြောရမှာတော့ တွေ့ဆုံဆွေးနွေးရေးပါ။ အမြင်ချင်းဖလှယ်နိုင်တဲ့ တွေ့ဆုံဆွေးနွေးရေးဆိုတာ အရေးအကြီးဆုံးဘဲဖြစ်ပါတယ် အဲ့တော့ တွေ့ဆုံဆွေးနွေးရေးဖြစ်ဖို့ဆိုတာ တစ်ယောက်နဲ့တစ်ယောက် တွေ့နေလို့လဲမဖြစ်ဘူး အပစ်အခတ်ရပ်ဆဲရမှာပေါ့။

ကျမ လက်ထောင်လိုက်တဲ့အတွက် မိုက်ခရိုဖုန်းကျမနားကို ရောက်လာပြီး မေးခွင့်ရလိုက်ပါတယ်။

ကျမမေးခဲ့တာ မေးခွန်း ၂ ခုပါ။ ပထမမေးခွန်းကတော့ တိုင်းရင်းသားအရေးကိစ္စဖြစ်ပြီး၊ ဒုတိယမေးခွန်းကတော့ UN အဖွဲ့အစည်းတွေရဲ့ ပူးပေါင်းပါဝင်လာမှုအပေါ်မှာ ဘယ်လိုမြင်ပါသလဲဆိုတဲ့ အန်တီ့ရဲ့ အမြင်ကို မေးပါတယ်။

မေး။      ။အန်တီလွတ်လာပြီးတဲ့နောက်ပိုင်း ၁ နှစ်အတွင်းမှာ နိုင်ငံရေးပိုင်းမှာ တိုးတက်ပြောင်းလဲမှု ဖြစ်စဉ်တွေကို မြင်ရပါတယ်။ တိုင်းရင်းသားတွေအရေးမှာတော့ တိုးတက်မှုမရှိသလောက်ဖြစ်နေတာ တွေ့ရပါတယ်။ အဲဒါဘာကြောင့်လို့ အန်တီသုံးသပ်မိပါသလဲရှင့်။

ဖြေ။       ။အင်မတန်မှ နှစ်ပေါင်းများစွာရှိခဲ့တဲ့ သံသယတေ တစ်ဦးပေါ်တစ်ဦး သံသယရှိခဲ့တာတွေ နောက်ပြီးတော့လည်း တိုင်းရင်းသားတွေအပေါ်မှာ ခိုင်မြဲအောင်လို့ တိုင်းရင်းသားတွေ ခိုင်မြဲစေမဲ့ဖြစ်ရပ်တွေ အများကြီးရှိပါတယ် ကျွန်မတို့တွေက အဖြစ်ကိုအဖြစ်အတိုင်းရင်ဆိုင်ရမယ် အခြေအနေတစ်ခုကို ပြုပြင်ဖို့ဆိုတာဟာ ဘာဖြစ်လို့ ဒီအခြေအနေဖြစ်လာရတာလဲ ဘာပြသာနာတွေရှိခဲ့တာလဲ ဒါကိုကျွန်မတို့ကနေပြီးတော့ ရဲရဲရင်ဆိုင်ပြီးတော့ ပညာဥာဏ်နဲ့ မေတ္တာစေတနာနဲ့ ဖြေရှင်းရမှာဖြစ်ပါတယ်။

မေး။ `။ ၁ နှစ်အတွင်းမှာ UN အဖွဲ့အစည်းတွေရဲ့ မြန်မာနိုင်ငံရေးအတွက် ပါဝင်လာမှုအပေါ်မှာ အန်တီ့အနေနဲ့ ဘယ်လိုမြင်ပါသလဲရှင့်။ အန်တီရဲ့ သဘောထားအမြင်ကို သိပါရစေ။

(မနက်ဖြန်တွင် ဆက်လျက် ဖော်ပြပေးပါမည်)

—————————————————–

ဒေါ်အောင်ဆန်းစုကြည်ရဲ့ နေအိမ်အကျယ်ချုပ်မှ လွတ်မြောက်ခြင်းတနှစ်ပြည့်အထိမ်းအမှတ်သတင်းစာ ရှင်းလင်းပွဲ(၂)

မေသင်္ကြန်ဟိန်၊ ၀င့်သင်ဇာကျော်(မြစ်မခ)

by Myit Makha Mediagroup on nov 15, 2011

မနေ့တုန်းက ကျမရဲ့မေးခွန်းနေရာမှာအဆုံးသတ်ခဲ့တာဖြစ်တဲ့အတွက် အန်တီရဲ့ အဖြေကနေ ပြန်စလိုက်ပါမယ်။

အန်တီက UN အဖွဲ့တွေရဲ့ မြန်မာနိုင်ငံပေါ်မှာ ပါဝင်ပူးပေါင်းကူညီမှုနဲ့ပတ်သက်ပြီး ခုလိုမြင်ကြောင်းသူ့ရဲ့ အမြင်ကို ပြောပါတယ်။ ` ဒီကုလသမဂ္ဂရဲ့အဖွဲ့အစည်းတွေနဲ့ပတ်သက်ပြီး ဒီနှစ်အတွင်းမှာဆိုရင် UNနဲ့ပတ်သက်ပြီး ပုဂ္ဂိုလ်များနှင့် မကြာခဏ မြန်မာနိုင်ငံမှာ ဖွံ့ဖြိုးရေး အတွက်ဘာတွေလုပ်သင့်တယ်ဆိုတာ ဆွေးနွေးတာ ရှိပါတယ်။ အဲ့ဒီဆွေးနွေးတဲ့ ရလဒ်တွေနဲ့ကတော့ ကျွန်မတို့အနေနဲ့ ဒီနိုင်ငံက အဆင်းရဲဆုံးအသိုင်းအ၀ိုင်းလို့ပေါ့ တောနေမြို့နေ ဆင်းရဲသားလူတန်းစားလို့အချိန်တို ကာလအတွင်း အခြေအနေကောင်းလာအောင်လို့ ကူညီရမလဲဆိုတာ ဆွေးနွေးပါတယ်။အဓိကထားပြီးဆွေးနွေးတာတွေ ရှိပါတယ်။ ဘယ်လိုအကျိုးဆက်ရလဲ တိုးတက်မှု တစ်စုံတစ်ရာ ကိုမကြာမီမြင်နိုင်မယ်လို့ ကျွန်မတို့ မျှော်လင့်ပါတယ်။ ကျမမေးခွန်းကို ဖြေပြီးတဲ့နောက်မှ ကျမနဲ့ဘေး ၂ ဦးက ဖေးဘရိတ်ဂျာနယ်က သတင်းထောက်တဦးက ထပြီး မေးပါတယ်။

မေး။ ။ အန်တီပြောသွားပါတယ် ပျော့ပြောင်းတဲ့နည်းလမ်းတွေ ပါဝင်တယ်လို့ ပြောသွားပါတယ် အဲ့မှာ ပျော့ပျောင်းတဲ့နည်းလမ်းမှာ ဘာတွေများ ထပ်မံပြီးတော့ ရနိုင်မရနိုင် အန်တီသဘောထားကို သိချင်ပါတယ် ။

ဖြေ။ ။ပျော့ပြောင်းတဲ့နည်းလမ်းဆိုတာကလေ နည်းနည်းတော့အဓိပါယ်ဖော်ရတာ ခက်နေမှာပါ အန်တီအမြဲပြောပါတယ် တင်းမာလာတာနဲ့ ခိုင်မာလာတာနဲ့က မတူဘူးပေါ့နော် နောက်ပြီးတော့ ပျော့ပျောင်းတာနဲ့ ပျော့ညံ့တာမတူဘူးလို့ခဏခဏပြောပါတယ် ဥပမာအဖြစ်ပြောရမယ်ဆိုရင် စတီးကြိုးတစ်ခုဆိုတာ အင်မတန်မှ ပျော့ပျောင်းပြီး အင်မတန်မှ သန်မာပါတယ် ဒီလိုဘဲ ပျော့ပျောင်းတဲ့ နည်းလမ်းဆိုတာဟာ သန်သန်မာမာနဲ့ ပျော့ပျော့ပျောင်းပျောင်းနဲ့ လိုရင်လိုသလို ပြောင်းလဲနိုင်တယ် ဆိုပေမဲ့လည်း မူဆိုတာဟာ ခိုင်ခိုင်မာမာရှိနေရမယ်ဆိုတာပါဘဲ။

မေး။ ။အန်တီအနေနဲ့ထိပ်တိုက်ရင်ဆိုင်မှာပါလား။

ဖြေ။ ။ထိပ်တိုက်ရင်ဆိုင်တယ်ဆိုတာ ဘယ်လိုအဓိပါယ်ဖော်ပါသလဲ အဲ့ဒီထိပ်တိုက်ရင်ဆိုင်ရေးဆိုတာ အန်တီတို့ စသုံးခဲ့တဲ့ စကားလုံးမဟုတ်ပါဘူး အန်တီတို့မှတ်မိသလောက်ကတော့ သတင်းစာထဲမှာ ထိပ်တိုက်ရင်ဆိုင်တာ ဆိုပြီးသုံးတာပါ ဆိုတော့ အခုဆိုလို့ရှိရင် ဒါဟာထိပ်တိုက်ရင်ဆိုင်တာလို့ ပြောရမှာလား ဒါမှမဟုတ် တစ်ယောက်နဲ့တစ်ယောက် မျက်နှာချင်းဆိုင်ပြီးတော့ တစ်ယောက်ကမေးရင် တစ်ယောက်ကဖြေတယ် တစ်ယောက်ကမေးရင် တစ်ယောက်က ရှောင်တယ် ဆိုပါတော့ အဲ့ဒါကို ထိပ်တိုက်ရင်ဆိုင်တယ်လို့ ပြောရမှာလား ဒါဟာရင်ဆိုင်တာဘဲ ရင်ဆိုင်တယ်ဆိုတာ ရင်ဆိုင်သင့်တဲ့ဟာကို ရင်ဆိုင်ရမှာဘဲ အဲ့လိုရင်ဆိုင်လို့ထိပ်တိုက်ဆိုတာကို ထည့်ဖို့မလိုပါဘူး။ ဂျပန်သတင်းမီဒီယာတခုမှ မနွယ်နွယ်အေးကလည်း မေးမြန်းပါတယ်။

မေး။ ။အန်တီပြောသွားတဲ့စကားထဲမှာ ရင်းနှီးမြှပ်နှံမှုတွေ ရှိလာဖို့ လိုအပ်ပါတယ်လို့ပြောပါတယ်။ နောက်memberတွေကို ဖိတ်ခေါ်ပြီးတဲ့နောက်မှာ သူတို့ရဲ့အော်ဒါကောက်ခံပြီးတဲ့နောက် သွားမှာပါလာားအဲဒါလေး ဖြေနိုင်ရင်ဖြေပေးပါ။

ဖြေ။ ။အမျိုးသားဒီမိုကရေစီအဖွဲ့ချုပ်ကနေပြီးတော့ စီးပွားရေးနဲ့ပတ်သက်တဲ့ ကြေညာချက်ထုတ်ပြီးသား ဖြစ်ပါတယ် အဲ့ကြေညာချက်ကို ကြည့်လိုက်မယ်ဆိုရင် ရင်းနှီးမြှ့ပ်နှံမှုနဲ့ပတ်သက်လို့ အမျိုးသားဒီမိုကရေစီအဖွဲ့ ချုပ်ရဲ့ အမြင်တွေကို တိတိကျကျ သိနိုင်ပါတယ် ဒီမှာပြောထားတာတွေက ပိုပြီးတော့ စုံမှာပါ အဲ့တော့ ကျွန်မတို့က ရင်းနှီးမြှပ်နှံမှုကို ဖိတ်ခေါ်တယ်ဆိုတဲ့ သဘောနဲ့ ဘယ်လိုရင်းနှီးမြှပ်နှံမှုဟာ တိုင်းပြည်ကို တိုးတက်စေမလဲဆိုတဲ့ သဘောနဲ့ပြောတာ ဖြစ်ပါတယ် ။ခုဏတုန်းက ဗဟိုကော်မတီနဲ့တွေ့တဲ့အခါကျတော့ ဘယ်လိုနည်းနဲ့ဆုံးဖြတ်မလဲဆိုတာ အဲ့နေ့တွေ့ဆုံတဲ့အခါကျမှ အန်တီတို့တွေ့ဆုံတဲ့အခါကျမှ ပြောပါ့မယ်။ ပြည်တွင်းသတင်းထောက်တဦးက မေးမြန်းပါတယ်။

မေး။ ။လွတ်လပ်သန့်ရှင်းတဲ့တရားဥပဒေစိုးမိုးရေးလုပ်သွားမယ်လို့ ပြောသွားပါတယ် အဲ့တော့ လက်ရှိတရားဥပဒေစိုးမိုးရေးဟာ လွတ်လပ်သန့်ရှင်းမှုမရှိဘူးဆိုတဲ့ သဘောမျိုးရှိပါသလား။

ဖြေ။ ။အဲ့လိုဘဲယူဆရမှာဘဲ ဒါပွင့်ပွင့်လင်းလင်းပြောရမယ်ဆိုလို့ရှိရင်။ အခုဒါအများသိနေတဲ့ ကိစ္စဘဲလေ နိုင်ငံရေးအကျဉ်းသား တော်တော်များများဟာလည်း အကျဉ်းထောင်ထဲရောက်သွားတာ လွတ်လပ်ပြီး တရားမျှတတဲ့ ပြီးတော့ သန့်ရှင်းတယ်လို့တော့ မရှိသလောက်ပါဘဲ။ နောက်ပြည်တွင်းသတင်းထောက်တဦးကပဲ ဆက်မေးပါတယ်။ အန်တီ့ကိုမေးခွန်းလေးနှစ်ခုလောက်မေးချင်ပါတယ်ရှင့်။ ခုနကပြောသွားတယ်ပေါ့ ဥပဒေစိုးမိုးရေးက လူမှုရေးစီးပွားရေး အကုန်လုံးပေါ့ အရေးကြီးတယ်ပေါ့။ အဲဒါက တရားရေးမဏ္ဍိုင်ကလဲ လတ်တလောမှာ အန်တီပြောသွားသလိုအခြေအနေဆိုတော့လေ ရှေ့ဆက်ပြီးတော့ ဘယ်လိုမျိုးလုပ်လို့ရှိရင် ဘယ်သူတွေ၊ ဘယ်အဖွဲ့အစည်းတွေနဲ့ ပူးပေါင်းပြီးတော့ ဘယ်လိုနည်းလမ်းမျိုးနဲ့ တရားရေးမဏ္ဍိုင်ကို အမြန်ဆုံး အဆင်အပြေဆုံးနဲ့ အသန့်ရှင်းဆုံးဖြစ်အောင် ဆောင်ရွက်နိုင်မလဲဆိုတာ သိချင်ပါတယ်ရှင့်။ စီးပွားရေးပိတ်ဆို့မှုကြောင့်မို့လို့ ကူညီဖို့ကိစ္စတွေရော ပြီးတော့ တစ်ခြားစီးပွားရေးဆိုင်ရာ ရင်နှီးမြုပ်နှံဖို့တွေရော သူတို့က လတ်တလောအခြေအနေမှာမလာနိုင်သေးဘူး စောင့်နေပါတယ်လို့ပြောထားတယ်။ အဲဒီ့ အန်တီတို့ NLD ကမှတ်ပုံတင်တာနဲ့ မဆိုင်ဘူးပေါ့နော် အများကြီးအကျိုးသက်ရောက်မှုမရှိဘူးလို့တော့ပြောတယ်။ ဒါပေမယ့် အဲဒီ့အပေါ်မှာ အန်တီ့အနေနဲ့ မှတ်ပုံတင်မတင်ကို စီးပွားရေးပိတ်ဆို့မှုအနေနဲ့ဘယ်လိုမျိုးပတ်သတ်နိုင်တယ်လို့ထင်ပါသလဲ။ ဒါမှမဟုတ်ရင် မှတ်ပုံတင်တာနဲ့ မဆိုင်ပဲနဲ့ရော ဘယ်လိုမျိုးဆံရှင်ကို ဖြုတ်ဖို့အတွက် တိုက်တွန်းဖို့ရှိပါသလဲ။

ဖြေ။ ပထမဆုံးမေးခွန်းနဲ့ပတ်သတ်လို့ လွတ်လပ်ပြီး တရားမျှတတဲ့ တရားရေးမဏ္ဍိုင်ရှိဖို့ဆိုတာဟာ အန်တီစောစောကပြောသလိုပဲ လူတိုင်းကနေပြီးတော့ ကြိုးစားရမယ်။ အန်တီတို့ အမျိုးသားဒီမိုကရေစီအဖွဲ့ချုပ် ကြိုးစားပုံတစ်ခုကတော့ ဥပဒေအထောက်အကူအတွက် ကြိုးစားထားခြင်းဖြစ်ပါတယ်။ ပြည်သူအများစုကလဲမသိပေမယ့် အန်တီတို့က ပြည်သူတွေအားလုံးကို တရားဥပဒေရှေ့မှောက်မှာ မျှမျှတတစီရင်ခံချက်တွေပြဖို့လိုနေပါတယ်။ အဲဒီ့လိုနည်းနဲ့တော့ အန်တီတို့က တရားဥပဒေ တရားရေးမဏ္ဍိုင်ကို ခိုင်မာအောင်ကြိုးစားပါတယ်။ ပြည်သူတွေဘက်ကလဲ ထောက်ပြရမယ်မတရားတာတွေရှိလို့ရှိရင်ထောက်ပြရမယ်။ ဒီလိုထောက်ပြခြင်းအားဖြင့်သာ ဒီလိုကိစ္စတွေဟာ ပြောင်းလဲဖို့လိုတယ်ဆိုတာ အစိုးရကနေပြီးတော့ ကွက်ကွက်ကွင်းကွင်းမြင်လာမှာဖြစ်ပါတယ်။ ဒုတိယအမေးနဲ့ပတ်သတ်လို့ကတော့ စီးပွားရေးပိတ်ဆို့မှုကို ဘာဖြစ်လို့လုပ်ရလဲဆိုတာကတော့ စီးပွားရေးပိတ်ဆို့ခဲ့တဲ့ လုပ်ထားတဲ့ ဥပမာ အမေရိကန်ပြည်ထောင်စုကနေဆိုလို့ရှိရင် ပြတ်ပြတ်သားသားပြောထားပါတယ်။ နိုင်ငံရေးအကျဉ်းသားတွေလွှတ်ပေးရမယ်။ နောက်ပြီးတော့ အမျိုးသားဒီမိုကရေစီအဖွဲ့ချုပ်ကနေပြီးတော့ နိုင်ငံရေးပါတီတစ်ခုအနေနဲ့ ပြည်လည်ပြီးတော့ လွတ်လွတ်လပ်လပ် လှုပ်ရှားနိုင်ရမယ် နောက်ပြီးတော့ဒီ… စစ်မက်ဖြစ်ပွားနေတဲ့နေရာတွေကို လူသားချင်းစာနာထောက်ထားနိုင်တဲ့အခြေအနေရှိရမယ် စသည်ဖြင့်တောင်းဆိုထားတာတွေရှိပါတယ်။ အဲတော့ဒီလိုတောင်းဆိုချက်တွေကို ပြည့်စုံပြီဆိုလို့ရှိရင် စိးပွားရေးပိတ်ဆို့မှုကို ဖယ်ရှားဖို့ဆိုတာက သတ်မှတ်ထားတဲ့နိုင်ငံက ဆုံးဖြတ်မှာဖြစ်ပါတယ်။

နောက် မြန်မာတိုင်းလ် ဂျာနယ်က နိုင်ငံရေးသတင်းထောက် ရတနာက ဆက်မေးခဲ့ပါတယ်။

မေး။ အန်တီဖြေသွားတာကိုပဲ သမီးက Fallow up မေးချင်ပါတယ်။ အန်တီကတရားဥပဒေစိုမိုးရေးအတွက်ဆိုပြီးတော့ အန်တီတို့ NLD ကနေ တိုက်တွန်းပြောဆိုတာတွေရှိတယ်။ အစိုးရကလဲ ဥပမာ ဘာတွေပြင်ဆင်နေပါပြီလဲ။

ဖြေ။ သူဒီဟာကိုအလေးအနက်ထားပါတယ်လို့ပြောပါတယ်။ ဒါပေမယ့်တကယ်ဆိုလို့ရှိရင်တော့ လုပ်ဆောင်ချက်တွေရှိတယ်ဆိုရင်တော့ အားလုံးအတွက် ထင်သာမြင်သာဖြစ်ရပါလိမ့်မယ်။ ဒါဟာ တရားဥပဒေမဏ္ဍိုင်ဆိုတာ အားလုံးနဲ့ဆိုင်ပါတယ်။ အားလုံးနဲ့ဆိုင်တယ်ဆိုတာ အားလုံးသိနိုင်အောင်လို့ မြင်နိုင်အောင်လို့ ထင်ထင်ရှားရှား ပြောင်းလဲဖို့လိုအပ်ပါတယ်။ နောက် ရန်ကုန် တိုင်းမ်ဂျာနယ်က သတင်းထောက်တဦးက ဆက်မေးပါတယ်။

မေး။ ပြောင်းလဲနေတဲ့လုပ်ငန်းစဉ်တွေဖြစ်ဖို့အတွက် အစိုးရတပ်မတော်နဲ့ အမျိုးသားဒီမိုကရေစီအဖွဲ့ချုပ် ဘယ်လိုမျိုးပြုပြင်နေပါသလဲ နောက်တစ်ခုက တိုင်းရင်းသားလူမျိုးတွေနဲ့ ဗမာလူမျိုးတွေရဲ့ကြားထဲမှာ ကွဲလွဲနေတဲ့အချက်တစ်ချက်ရှိပါတယ်။ တိုင်းရင်းသားဒေသတွေမှာဆိုလို့ရှိရင် နိုင်ငံရေး၊ စီးပွားရေး ဆိုရင် အထူးပဲစိတ်ဝင်စားမှုရှိပါတယ်။ အဲဒီ့အတွက်ပေါ့နော် အဲဒီ့ဟာကိုဖြေရှင်းပြီး မြန်မာလူမျိုးတွေနေထိုင်တဲ့ နယ်မြေတွေနဲ့ တန်းတူဖြစ်မှသာ ဒီမိုကရေစီအရေးကိုလုပ်မယ်လို့ပြောပါတယ်။ ဗမာလူမျိုးတွေကလဲ ဒီမိုကရေစီအရေးကိုသာလုပ်ပါ တိုင်းရင်းသားတွေလိုအပ်နေတဲ့ နိုင်ငံရေး၊ စီးပွားရေး၊ လူမရေးတွေဟာ ကျယ်ကျယ်ဝင့်ဝင့်ပဲလို့ပြောပါတယ်ခင်ဗျာ့။ အဲဒီ့အငြင်းပွားချက်တွေအပေါ်မှာအန်တီ့အနေနဲ့ သုံးသပ်ချက်လေးပေးပါခင်ဗျာ့။

ဖြေ။ တပ်မတော်ဆိုတာက အားလုံးရဲ့ နိုင်ငံရဲ့ အကျိုးကိုပဲရှေးရှုရမှာဖြစ်ပါတယ်။ အစိုးရကလဲ ကိုယ့်ကိုကိုယ်ရှေးရှုလို့မဖြစ်သလို နိုင်ငံရေးပါတီတွေအနေနဲ့ကလဲ မိမိတို့ပါတီကိုပဲရှေါ်ရှုလို့မဖြစ်ပါဘူး။ အားလုံးအင်အားစု သုံးစုစလုံးက နိုင်ငံနဲ့ ပြည်သူအကျိုးကို ရှေါ်ရှုပြီး အဲဒီ့ဟာကိုသာ အဓိကထားပြီးတော့ လုပ်သွားမယ်ဆိုလို့ရှိရင် အချင်းချင်းပူးပေါင်းဆောင်ရွက်မှုကအင်မတန်မှ ပိုပြီးတော့ ဆောင်ရွက်ရလွယ်ပါတယ်။ တကယ်ဆိုလို့ရှိရင် ဒီဟာကဘာမှ စိတ်ဝမ်းကွဲစရာမလိုဘူး။ ဒီမိုကရေစီရေးကိုလုပ်တယ်လို့ပဲရင်ထဲမှာထားပြီး တန်းတူညီတူလုပ်သွားရမယ်။ ဒွန်တွဲပြီးလုပ်သွားရမယ်။ ဒါပြီးမှဒါဆိုပြီး လုပ်စရာအကြောင်းမရှိပါဘူး။ နောက်ဆက်မေးမြန်းတာကနော့ မြန်မာနယူးဝိခ် ဂျာနယ်ကပါ။

မေး။ အန်တီစုအနေနဲ့ နိုင်ငံတော်သမတ္တကြီးနဲ့ အစိုးရအဖွဲ့နဲ့ ပူးပေါင်းဆောင်ရွက်လို့ရှိရင် မြန်မာနိုင်ငံတော် တိုင်းပြည်ဖွံ့ဖြိုးတိုးတက်ဖို့အတွက် ဘယ်လိုအခမ်းကဏ္ဍတွေကို ဦးစားပေးပြီးတော့ ဆောင်ရွက်သင့်တယ်လို့ထင်ပါသလဲ။ အခု စောနကခနခန ပြောခဲ့တဲ့ကိစ္စကတော့ ထားလိုက်ပါတော့နော် တရားဥပဒေစိုးမိုးရေးပေါ့။ ဥပဒေစိုးမိုးရေးနဲ့ ပြည်တွင်ငြိမ်းချမ်းရေးကတော့ ပြောပြီးပြီဒါတွေကတော့ ပထမဦးစွာအရေးကြီးဆုံးပဲဆိုတာ အန်တီပြောပြီးပြီ။ အဲတော့ အဲဒါပြီးတော့ ရှိရင် ပြည်သူတွေရဲ့ဘဝရှင်သန်ရေးအတွက် ဘယ်လိုလုပ်ရမလဲ။ အထူးသဖြင့် ပထမဆင်းရဲနေတဲ့ဘဝတွေရှင်သန်တိုးတက်ရေးအတွက် လုပ်ဖို့လိုအပ်ပါတယ်။ အဲဒီသတင်းထောက်ကပဲ ဒုတိယမေးခွန်းကို ဆက်မေးပါတယ်။

မေး။ အန်တီစုအနေနဲ့ နိုင်ငံတော်သမ္မတကြီးနှင့်အခုအစိုးရနဲ့ပူပေါင်းဆောင်ရွက်မယ်ဆိုရင်ကျွန်တော်တို့ မြန်မာနိုင်ငံတော်တိုးတက်ဖို့ဘယ်လိုအခမ်းကဏ္ဍကနေဦးစားပေးပြီးတော့ဆောင်ရွက်စေချင်ပါသလဲ။

ဖြေ။ ပြည်သူတွေရဲ့ဘ၀ဆောင်ရွက်ရေးအတွက်အရင်လုပ်ရပါမယ် အထူးသဖြင့်အင်မတန်မှဆင်းရဲနေတဲ့ပြည်သူတွေ ရဲ့ဘ၀တွေတိုးတက်ရေးအတွက်လုပ်ဖို့လိုတယ်လို့ထင်ပါတယ်။မြန်မာနိုင်ငံအပေါ်မှာစေတနာရှိတဲ့နိုင်ငံများအဖွဲ့အစည်းများနဲ့တိုင်ပင်ပြီးတော့ တောနေပြည်သူ၊မြို့နေပြည်သူဆင်းရဲတွင်းနက်နေတဲ့ အခြေအနေတွေကနေပြီး တော့ဘယ်လိုပြန်ပြီးချပြနိုင်မလဲရုန်းထွက်နိုင်မလဲအဲဒါတွေကိုအခြေခံပြီးတော့လုပ်ရပါမယ်။ Hot news ဂျာနယ်က လူငယ်သတင်းထောက်တဦးကပဲ ထမေးပါတယ်။

မေး။လက်ရှိနိုင်ငံတော်အစိုးရရဲ့ပြုပြင်ပြောင်းလဲမှု့တွေထဲမှာလက်ရှိနိုင်ငံရေးဥပဒေပါတီပြင်ဆင်တဲ့တည်ဆောက်မှုတွလုပ်လာတာဟာ အမေ၊ဦးသိန်းစိန်နဲ့ဦးအောင်ကြည်တို့ ဆွေးနွေးခဲ့တဲ့သဘောတူညီခဲ့တဲ့ဟာတွေကြောင့် လိုထင်ပါတယ်။ အလိုအစိုးရဘက်ကဖြေလျော့မှု့တွေကြောင့် အမေတို့ဘက်ကရော ဘာတွေပြန်ပြီးဖြေလျော့ပေးရမယ်လို့ အစိုးရဘက်က တောင်းဆိုထားတွေရှိပါသလဲ အဲဒါကိုသိချင်ပါတယ်။

မေး။ ။တရားဝင်လမ်းကြောင်းပေါ်ရောက်မလာခင်လက်ရှိ ဒီ၂၀၁၀တုန်းက ဆုံးဖြတ်ချက်ကြောင့် ခွဲထွက်သွားတဲ့လူတွေက အခုပြန်ပြီးတော့ ပူးပေါင်းမယ်လို့ ပြောဆိုနေကြပါတယ် ဒေါ်စုအနေနဲ့ အဲ့အပေါ်မှာရော ဘယ်လိုဆုံးဖြတ်ပေးမှာပါလဲ။ ဖြေ။ ။ပထမမေးခွန်းကိုပဲ အရင်ဖြေမယ်ပေါ့နော် ဒီအခုဆွေနွေးတဲ့အခါမှာ အပေးအယူလုပ်တယ်ဆိုတာထက် နိုင်ငံရဲ့အကျိုးအတွက် ပူးပေါင်းဆောင်ရွက်တယ်လို့ အဲဒီလိုပဲ အန်တီက ခံယူချင်ပါတယ်။ အဲဒီတော့ နှစ်ဘက်စလုံးကနေပြီးတော့ နိုင်ငံတော် အတွက် ဆောင်ရွက်ပေးတယ်လို့ပဲ မြင်ပါတယ်။

ဖြေ။ ။လုပ်ပေးမယ်ဆိုတဲ့ သဘောမဟုတ်ပါဘူး။ ဒါတွေ ဒါတွေလုပ်လို့ရှိရင်တော့ တိုင်းပြည်အတွက် တိုးတက်မှုရှိနိုင်မယ်ဆိုတဲ့ သဘောနဲ့ လုပ်တာလို့ပဲ ပြောပါရစေ။ နောက်တစ်ခုကျန်သွားတယ် အဲဒါက နှစ်ခုတော့ဆက်နေမယ်ထင်တယ်။ နောက်ပြည်တွင်းသတင်းထောက်တဦးက ထမေးပါတယ်။ေ

မး။ ။၂၀၁၀ ရွေးကောက်ပွဲမှာပေါ်လာတဲ့ ဥပဒေစည်းမျဉ်းဆိုင်ရာအရ အဲဒီဥပဒေစည်းမျဉ်းဆိုင်ရာမှာရှိတဲ့ လွှတ်တော်ကိုယ်စားလှယ်တွေရဲ့ အရည်အချင်းတွေ ဦးဆောင်မှုတွေ ကို အန်တီအနေနဲ့ ဘယ်လိုမြင်ပါသလဲဆိုတာကို သိချင်ပါတယ်။ ဖြေ။ တစ်ပါတီနဲ့ တစ်ပါတီမတူဘူးလေ လုပ်နေတာ တွေက အဲဒီတော့ အားလုံးကိုခြုံငုံပြီးပြောလို့တော့ ဘယ်ဖြစ်မလဲ။ အခု ၂၀၁၀ ရွေးကောက်ပွဲထဲမှာပါခဲ့တဲ့ ပါတီတွေမှာ ဆိုလို့ရှိရင် ကြံ့ခိုင်ဖွံ့ဖြိုးရေးပါတီ၊ တိုင်းရင်းသားပါတီတွေလည်းပါမယ်၊ တိုင်းရင်းသားမဟုတ်တဲ့ တခြားဒီမိုကရေစီ ပါတီတွေ လည်းပါတယ် အဲဒီတော့ အားလုံးကိုခြုံငုံပြီးပြောလို့တော့ မဖြစ်ပါဘူး။ ဒီပါတီတွေဘာတွေလုပ်လဲဆိုတာ သိချင်လို့ရှိရင် ရေဒီယိုထဲက အင်တာဗျူးတွေကို နားထောင်ပါ။ နားထောင်လို့ရှိရင် အဲဒီပါတီကိုယ်စားလှယ်တွေက သူတို့ဘာလုပ်နေပါလဲ ဆိုတာကို ပြောတာကိုကြားပါလိမ့်မယ်။ အဲဒီတော့ သားဘာသာသား ဆုံးဖြတ်ပါ။

မေး။ ။ အန်တီသိထားခဲ့တဲ့အရာတွေ၊ အန်တီတတ်ထားတဲ့ပညာတွေ ဖတ်ရမှတ်ရအောင် အန်တီအနေနဲ့ တစ်နိုင်ငံလုံးအတိုင်းအတာအနေနဲ့ ရှိပါသလားသိချင်ပါတယ်။

ဖြေ။ ။ ခုသားမေးတဲ့ဟာက စောစောကမေးခွန်းနဲ့ နဲနဲဆိုင်တယ်လေ။ အခုဟို ဥပဒေပြုလွှတ်တော်ထဲမှာ ရှိနေတဲ့ ဘဏ္ဍာရေးဦးဆောင်ချက်တွေ ဘယ်လိုမြင်သလဲဆိုတာ အဲဒါတွေက သားတို့ကိုယ်တိုင်တောင် သုံးသပ်ရမယ်လို့ထင်တယ်။ တစ်ဦးနဲ့တစ်ဦး သုံးသပ်တာချင်းမတူပါဘူး။ တစ်ဖွဲ့နဲ့တစ်ဖွဲ့ သုံသပ်တာချင်းလည်း မတူပါဘူး။ ဒုတိယမေးခွန်းအနေနဲ့ ဆက်မေးတာကတော့ အန်တီရဲ့ဆောင်းပါးတွေကို စာအုပ်ထုတ်ဝေဖို့ရှိပါသလားဆိုတဲ့ မေးခွန်းပါ။

ဖြေ။ ။ အဲဒီတော့ အဲဒီရေးပြီးသားဆောင်းပါးတွေကို ဂျာနယ်နာမည်နဲ့ ထုတ်ဖော်ပြောရင်တော့မကောင်းဘူးနဲ့တူတယ်။ ကောင်းလား မကောင်းလားမသိဘူး။ ဒီလိုဆိုလို့ရှိရင် ပြည်သူ့ခေတ် ဂျာနယ်ထဲမှာ အန်တီရေးတဲ့ဆောင်းပါးတွေကလေ သိပြီးသား ဆောင်းပါးတွေလဲပါသလို ၁၊ ၂၊ ၃၊ ၄ ပေါ့နော် ၃ မှာတစ်နေတယ်။ ၃ မှာတစ်နေတဲ့အကြောင်းကတော့ ဘာဖြစ်လို့လဲဆိတော့ အမျိုးသားဒီမိုကရေစီအဖွဲ့ချုပ် ဥပဒေအထောက်အကူအဖွဲ့အကြောင်းကို ဆောင်းပါးထဲမှာ ထည့်ပြောထားလို့ပဲ။ အဲလို အားလုံးကိုထုတ်လို့မရသေးတဲ့အချိန်မှာတော့ ပညာပေးဆောင်းပါးတွေ၊ နိုင်ငံရေးနဲ့ပတ်သတ်လို့ အန်တီအနေနဲ့ ဆောင်းပါးတွေ ဘာတွေထုတ်ဖို့အတွက်ကျတော့ နည်းနည်းစောဦးမယ်လို့ထင်ပါတယ်။ အဲဒီမှာပဲ ကျန်သတင်းထောက်၂ ဦးကို မေးခွန်းမေးမြန်းခွင့်ပေးပြီး သတင်းစာရှင်းလင်းပွဲ အောင်မြင်စွာ ပြီးဆုံးကြောင်း ကြေငြာခဲ့ပါတယ်။ သတင်းစာရှင်းလင်းပွဲ ပြီးသွားပေမဲ့ အန်တီ့နားကို သတင်းထောက်အချို့ပြေးကပ်သွားပြီး မေးခွန်းအချို့ကို ဆက်မေးနေကြဆဲပါပဲ။

( သတင်းထောက် ၃ ဦးခန့်ရဲ့ အမေးနဲ့အဖြေများ ကျန်ခဲ့ပါတယ်။ အသံဖမ်းဆက်မှ အသံဖိုင် ပြည့်သွားတာဖြစ်တဲ့အတွက် ကြောင့် ကျန်ခဲ့သောသတင်းထောက်များရဲ့ အမေးအဖြေများကို ဖော်ပြပေးနိုင်ခြင်း မရှိခဲ့တဲ့အတွက် နားလည်ပေးကြဖို့ တောင်းပန်ပါတယ်)

Categories: DASSK, Press Conference
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

– လှုပ်ခတ်နေသောမှတ်စုများ (DVB) –

Categories

free counters