Home > Inside, NLD, Oppositon > NLD ပါတီနောင်ရေး ၁၈ ရက်မှာ စည်းဝေးမည်

NLD ပါတီနောင်ရေး ၁၈ ရက်မှာ စည်းဝေးမည်

ကိုဝိုင်း | အင်္ဂါနေ့၊ နိုဝင်ဘာလ ၀၈ ရက် ၂၀၁၁ ခုနှစ် ၁၈ နာရီ ၃၂ မိနစ်

ချင်းမိုင် (မဇ္ဈိမ) ။        ။ ပါတီမှတ်ပုံတင်ရေးမတင်ရေးအတွက် ကယားပြည်နယ်မှလွဲ၍ တိုင်းနှင့်ပြည်နယ် ၁၃ ခုရှိ ပါတီဗဟိုဦးစီးအဖွဲ့ဝင် ၁၀၆ ဦးဖြင့် နိုဝင်ဘာ ၁၈ ရက်နေ့တွင် အစည်းအဝေးခေါ်ယူ ဆုံးဖြတ်မည် ဖြစ်ကြောင်း အမျိုးသား ဒီမိုကရေစီ အဖွဲ့ချုပ်- NLD က ပြောသည်။

“ကျနော်တို့ CC ခေါ်ဖို့ ဆုံးဖြတ်ပါတယ်။ CC ကို ၁၈ ရက်နေ့ မနက် ၁ဝ နာရီခေါ်ပါ့မယ်။ ” ဟု ပါတီဗဟိုအလုပ်အမှုဆောင် ဦးဟံသာမြင့်က ပြောသည်။

အင်္ဂါနေ့မနက်ပိုင်းက ရန်ကုန်မြို့ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည် နေအိမ်တွင် နှစ်နာရီကြာ ကျင်းပသည့် NLD ဗဟိုအလုပ်အမှုဆောင် အစည်းအဝေးက ဆုံးဖြတ်လိုက်ကြသည်။

အစည်းအဝေးသို့ အထွေထွေအတွင်းရေးမှူး ဒေါ်အောင်ဆန်းစုကြည်၊ ဒုဥက္ကဋ္ဌ ဦးတင်ဦး၊ ဦးဝင်းတင် အပါအဝင် ဗဟိုအလုပ်အမှုဆောင် ၁၄ ဦး ကျန်ရှိသည့် အနက် ကျန်းမာရေး မကောင်းကြသော ပါတီဥက္ကဋ္ဌ ဦးအောင်ရွှေ၊ ဦးလွင်၊ ဦးလွန်းတင်၊ ဦးညွန့်ဝေတို့ တက်ရောက်နိုင်ခြင်း မရှိပါ။

nlsheadquaterပါတီမှတ်ပုံတင်ရေး မတင်ရေးအတွက် ပါတီဗဟိုဦးစီးအဖွဲ့ဝင် ၁၀၆ ဦးဖြင့် နိုဝင်ဘာ ၁၈ ရက်နေ့တွင် အစည်းအဝေးခေါ်ယူ ဆုံးဖြတ်မည် (ဓါတ်ပုံ မဇ္ဈိမ)

နိုဝင်ဘာလဆန်းကမူ NLD ပါတီ ၁၉၉၀ ရွေးကောက်ပွဲအနိုင်ရ လွှတ်တော် ကိုယ်စားလှယ်များ ဖြစ်ကြသော ဦးသန်းဝင်းနှင့် ဦးဒေးဗစ်လှမြင့်တို့ အပါအဝင် ပါတီဝင် (၃၂) ဦးက ဗဟိုအလုပ်အမှုဆောင် အဖွဲ့ထံ လက်မှတ်ထိုး ကန့်ကွက်စာ ပေးပို့ခဲ့သည်။ ရွှေပြည်သာ၊ ဒဂုံ၊ ဒလနှင့် ခရမ်းမြို့နယ်တို့မှ အဖွဲ့ဝင်များပါဝင်သည်ဟု ကန့်ကွက်သူ ရွှေပြည်သာမြို့နယ် NLD အမျိုးသမီးလုပ်ငန်း အဖွဲ့ဝင် မခင်ဝင်းကြည်က ပြောသည်။

“၂ဝဝ၈ (ဖွဲ့စည်းပုံ အခြေခံဥပဒေ) ကို ကျမတို့က လက်မခံဘူးလို့ ကြေညာပြီးခါမှ ခုမှ ရွေးကောက်ပွဲဝင်မယ်၊ မှတ်ပုံတင်မယ် ဆိုရင် ၂၀၀၈ ခုဖွဲ့စည်းပုံကြီးကို လက်ခံသလို ဖြစ်သွားမယ်။ အဲဒီအတွက်ကို ကျမတို့က ကန့်ကွက်မှာပဲ။” ဟု ပြောသည်။

အဓိက အတိုက်အခံ ပါတီ NLD အတွက် ဦးတည်သည်ဟု ယုံကြည်ရသော နိုင်ငံရေးပါတီများ မှတ်ပုံတင်ခြင်း ဥပဒေ ပြင်ဆင်မှုကို နိုဝင်ဘာလ ၄ ရက်တွင် သမ္မတ ဦးသိန်းစိန်မှ လက်မှတ်ထိုး ထုတ်ပြန်ခဲ့သည်။

ဖွဲ့စည်းပုံ အခြေခံ ဥပဒေကို “ထိန်းသိမ်းစောင့်ရှောက်ရေး” ဆိုသည့် စကားရပ်အစား “လေးစား လိုက်နာရေး” ဆိုသည့်စကားရပ်ဖြင့် အစားထိုးခြင်း၊ အကျဉ်းကျနေသူများလည်း ပါတီဝင် ဖြစ်နိုင်ခြင်း၊ မကြာမီကျင်းပဖွယ် ရှိသည့် ကြားဖြတ် ရွေးကောက်ပွဲတွင် ပါဝင်နိုင်ခြင်းတို့ ပြောင်းလဲ သွားသဖြင့် ပါတီ ဒုဥက္ကဋ္ဌ ဦးတင်ဦးနှင့် ထိပ်ပိုင်းခေါင်းဆောင် ဦးဝင်းတင်တို့က အပြုသဘောဆောင်သည်ဟု သတင်းဌာနများသို့ ပြောဆိုထားသည်။

ပါတီမှတ်ပုံတင်ခြင်းအားဖြင့် NLD ပါတီ၏ လှုပ်ရှားဆောင်ရွက်မှုများအပေါ် မည်သို့ အပြောင်းအလဲ ဖြစ်နိုင်သည်ကိုမူ ဗဟိုဦးစီး အဖွဲ့ဝင်များကသာ ဝိုင်းဆွေးနွေးကြမည် ဖြစ်သဖြင့် ကြိုတင်ပြောရန် မသင့်ကြောင်း ဗဟိုအလုပ်အမှုဆောင် ဦးဟံသာမြင့်က ပြောသည်။

“ကျနော်က ကြိုပြောလို့ မဖြစ်ပါဘူး။ သူတို့ ဆွေးနွေးချင်တာကို ပိတ်ထားသလို ဖြစ်နိုင်ပါတယ်။ မြှောက်ပေးသလို လည်း ဖြစ်နိုင်တယ်။” ဟု သူကပြောသည်။

NLD က အဖွဲ့ဝင်အဖြစ် ပါဝင်သည့် လွှတ်တော်ကိုယ်စားပြုကော်မတီ CRPP အတွင်းရေးမှူး ဦးအေးသာအောင်ကမူ အစိုးရနှင့် NLD အကြား ရှေ့ဆက်ပိုမို ပူးပေါင်းဆောင်ရွက်နိုင်ရန် NLD အနေဖြင့် မှတ်ပုံပြန်တင်သင့်သည်ဟု ယူဆသည်။

“မှတ်ပုံတင်သင့်တယ်လို့ ထင်ပါတယ်။ ဦးသိန်းစိန် အပါအဝင် တွေ့ဆုံ ဆွေးနွေးပွဲတွေက နားလည်မှု၊ ယုံကြည်မှု၊ ဒီတော့ မှတ်ပုံတင်ဖို့ ကိစ္စတွေလည်း ပါဝင်တယ်လေ။ ရှေ့ဆက်ပြီးတော့ အပြန်အလှန် ပူးပေါင်းဆောင်ရွက်နိုင်ဖို့ ပိုကောင်းလိမ့်မယ်လို့ ယုံကြည်ပါတယ်။” ဟု သူက ပြောသည်။

ရခိုင်အမျိုးသား ဒီမိုကရေစီ အဖွဲ့ချုပ် ALD အတွင်းရေးမှူးလည်းဖြစ်သူ ဦးအေးသာအောင်က သူတို့ ပါတီ မှတ်ပုံပြန်တင်ရေး မတင်ရေးကိုမူ ပါတီမှတ်ပုံတင်ရေး ဥပဒေ ပြင်ဆင်မှုထက် နိုင်ငံရေး အခင်းအကျင်းတခုလုံးကို စဉ်းစားသုံးသပ်မည်ဖြစ်ပြီး နိုဝင်ဘာ ၁၅ ရက်နောက်ပိုင်းတွင် အစည်းအဝေး ကျင်းပပြီး ဆုံးဖြတ်မည်ဟု ဆိုသည်။

CRPP အဖွဲ့ဝင် ဖြစ်သော မွန်အမျိုးသား ဒီမိုကရေစီ အဖွဲ့ MNDF မှ ရေးမြို့နယ် ၁၉၉၀ လွှတ်တော်အမတ်
ဒေါက်တာမင်းစိုးလင်းကမူ ဖွဲ့စည်းပုံအခြေခံဥပဒေကို “ထိန်းသိမ်းစောင့်ရှောက်ရေး” နှင့် “လေးစားလိုက်နာရေး” ဆိုသည်မှာ ကွာခြားမှုမရှိကြောင်း၊ ထို့ပြင် ဖွဲ့စည်းပုံ အခြေခံဥပဒေ အခြေခံ မူ ၆ ချက်တွင် တပ်မတော်က နိုင်ငံတော်၏ အမျိုးသားနိုင်ငံရေး ဦးဆောင်မှုအခန်း ကဏ္ဍတွင် ပါဝင်ထမ်းဆောင်နိုင်ရေး ဆိုသည့် အချက်အား လက်မခံနိုင်သဖြင့် မှတ်ပုံတင်မည် မဟုတ်ကြောင်း ပြည်ပအခြေစိုက် ကာဝါ မွန်သတင်းဌာနကို တနင်္လာနေ့က ပြောသည်။

ဦးအေးသာအောင်ကမူ ဒေါ်အောင်ဆန်းစုကြည်နှင့် ဦးအောင်ကြည်၊ ဦးသိန်းစိန်တို့အကြား ဆွေးနွေးမှုများ ဆက်တိုက်ကျင်းပပြီး ယုံကြည်မှု၊ အပေးအယူ တို့မှတဆင့် အမျိုးသားပြန်လည် သင့်မြတ်ရေးကို ဦးတည်နိုင်မည်ဟု ယုံကြည်သည်။ သို့သော် နိုင်ငံရေး အကျဉ်းသားများလွှတ် ပေးရန်လိုနေသေးပြီး တတိုင်းပြည်လုံး အတိုင်းအတာဖြင့် အပစ်ခတ်ရပ်ပြီး ပြည်တွင်းငြိမ်းချမ်းရေး တည်ဆောက်ရန် နိုင်ငံတော်အစိုးရတွင် တာဝန်ရှိနေသေးကြောင်း ပြောသည်။

၁၉၉ဝ ခု ရွေးကောက်ပွဲ ရလဒ်အဖြစ် ပြည်သူ့လွှတ်တော် ပေါ်ပေါက်ရေးနှင့် လွှတ်တော်မပေါ်မီ လွှတ်တော်ကဲ့သို့ ဆောင်ရွက်ရန် ရည်ရွယ်၍  ရခိုင်၊ ရှမ်း၊ မွန်၊ ဇိုမီး စသည့် ပါတီများဖြင့် စုဖွဲ့ထားသည့် CRPP အစည်းအဝေးကို နိုဝင်ဘာ ၁၅ ရက်နေ့တွင် ကျင်းပရန် စီစဉ်ထားပြီး NLD ပါတီ မှတ်ပုံတင်ရေး ကိစ္စလည်း ဆွေးနွေးမည်ဟု သိရသည်။

၂၀၁၀ ပြည့်နှစ် မတ်လ ၂၉ ရက်နေ့က ရွေးကောက်ပွဲမဝင်ရန်၊ ပါတီမှတ်ပုံတင် ထပ်မံ မတင်ရန်ကို NLD တိုင်း/ပြည်နယ် ဗဟိုဦးစီးအဖွဲ့ဝင် ၁၀၀ ခန့်နှင့် ဗဟို အလုပ်အမှုဆောင် ကော်မတီဝင်များ ရန်ကုန် ပါတီရုံးချုပ်တွင် တွေ့ဆုံဆွေးနွေးပြီးနောက် မှတ်ပုံမတင်ရန် အားလုံးက သဘောတူ ဆုံးဖြတ်ခဲ့ကြသည်။ ထိုစဉ်က ဒေါ်အောင်ဆန်းစုကြည်နှင့် ပါတီဒုဥက္ကဋ္ဌ ဦးတင်ဦးတို့မှာလည်း နေအိမ်အချုပ် ကျခံနေရချိန် ဖြစ်သည်။

Categories: Inside, NLD, Oppositon
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

– လှုပ်ခတ်နေသောမှတ်စုများ (DVB) –

Categories

free counters