Home > Local NGOs, Public > မြရိပ်ညိုဖောင်ဒေးရှင်းမှ လုပ်ငန်းများ စတင်ဆောင်ရွက်သွားမည်

မြရိပ်ညိုဖောင်ဒေးရှင်းမှ လုပ်ငန်းများ စတင်ဆောင်ရွက်သွားမည်

ချယ်ရီသိန်း
အတွဲ ၂၇ ၊ အမှတ် ၅၄၁ ( ၂၈၊၁၀ – ၄၊၁၁ ၊ ၂၀၁၁) (MT)

မြရိပ်ညို (ပညာရေး၊ ကျန်းမာရေး၊ ယဉ်ကျေးမှု) ဖောင်ဒေးရှင်း၏ လုပ်ငန်းများကို ယခုနှစ်အတွင်း တွံတေး၊ ကော့မှူး၊ ကွမ်းခြံကုန်း၊ မွန်နှင့် ကရင်ပြည်နယ်တို့ တွင် စတင် အကောင်အထည်ဖော်သွားမည်ဖြစ်ကြောင်း ဇေကမ္ဘာကုမ္ပဏီဥက္ကဋ္ဌ ဒေါက်တာခင်ရွှေက ပြောသည်။

ပြည်ထောင်စုသမ္မတ မြန်မာနိုင်ငံ တော် ပထမအကြိမ် အမျိုးသားလွှတ်တော် ဒုတိယပုံမှန်အစည်းအဝေး ၁၄ ရက်မြောက်နေ့ အစည်းအဝေးတွင် ပညာရေး၊ ကျန်းမာရေးနှင့် ယဉ်ကျေးမှု ကော်မတီကိုယ်စားလှယ် ဒေါက်တာ ခင်ရွှေက ပညာရေးဝန်ထမ်းများဘ၀ မြှင့် တင်ရေးအတွက် ပြည်ထောင်စုအစိုးရ အား တိုက်တွန်းကြောင်း အဆိုပြုလွှာ တင်သွင်းခဲ့သည်။

ယင်းအဆိုကို ၁၅ ရက်နေ့ အစည်း အဝေး၌ ထောက်ခံဆွေးနွေးကြပြီး ဒေါက်တာခင်ရွှေအား ပညာရေးဖောင်ဒေးရှင်း ဖွဲ့စည်း ဆောင်ရွက်ရန် တာဝန် ပေးအပ်ခဲ့သည်။

ဖောင်ဒေးရှင်းကို ကျပ်သိန်း ၁၀,၀၀၀ နှင့် မတည်ထားပြီး နိုင်ငံတော်အဆင့် အသိအမှတ်ပြု တာဝန်ပေးအပ်ထားသည့် ဖောင်ဒေးရှင်း အဖြစ် ပညာရေး ကဏ္ဍတွင်သာမက ကျန်းမာရေးပြုစု စောင့်ရှောက်ခြင်းနှင့် ရိုးရာယဉ်ကျေးမှု ထိန်းသိမ်းစောင့်ရှောက်သည့် ကဏ္ဍများ ကိုလည်း အလေးထား ဆောင်ရွက်သွားမည်ဖြစ်ကြောင်း ဒေါက်တာခင်ရွှေက ပြောသည်။

“နိုင်ငံဖွံ့ဖြိုးတိုးတက်ရေးမှာ စီးပွား ရေးက အရေးပါသလို ပညာရေးကဏ္ဍ တိုးတက်ရေးကလည်း အရေးကြီးပါတယ်။ ဆရာ၊ ဆရာမတွေရဲ့ လစာဟာ သိပ်နည်းတယ်။ ဒါကြောင့် ဒါကိုစီစဉ်ပေး ဖို့ လွှတ်တော်ကိုတင်ပြရင်း ဖောင်ဒေး ရှင်းကိစ္စ ဖြစ်လာတာပါ။ နိုင်ငံတော်အသိ အမှတ်ပြု ပုဂ္ဂလိကဖောင်ဒေးရှင်းဆိုပေမယ့် နိုင်ငံ့အကျိုးအတွက် ဆောင်ရွက် သွားမှာပါ”ဟု ဒေါက်တာခင်ရွှေက ပြောသည်။

မြန်မာနိုင်ငံတွင် နေထိုင်ကြသော နိုင်ငံသားများ၏ဘ၀ ပြန်လည်ထူ ထောင်ရေး၊ လူမှုစီးပွားရေး၊ ပညာရေး၊ ကျန်းမာရေးနှင့် ယဉ်ကျေးမှု စသည်တို့ကို လိုအပ်သလို ထောက်ပံ့ကူညီသွားရန် ကျေးလက်နေပြည်သူများ၏ အခြေခံ လူမှုဘ၀နှင့် လူ့စွမ်းအင် အရင်းအမြစ် မြှင့်တင်ပေးခြင်းဖြင့် ကျေးလက်နှင့်မြို့ပြ လူနေမှုဘ၀ကွာခြားမှုကို လျှော့ချပေး နိုင်ရန်ဟူသော ရည်ရွယ်ချက်များဖြင့် ဖွဲ့စည်းတည်ထောင်ခဲ့သည်။

ပညာရေးကဏ္ဍတွင် အခြေခံပညာနှင့် အသက်မွေးဝမ်းကျောင်းပညာသင် ညနေကျောင်းများ ဖွဲ့စည်းတည်ထောင်ခြင်း၊ အစိုးရ ၀န်ထမ်း ဆရာ၊ ဆရာမများ ၏ ဘ၀မြှင့်တင်ရေးအတွက် စီစဉ်ပေး ခြင်း၊ ထူးချွန်ကျောင်းသားများအား ပညာသင်စရိတ် ထောက် ပံ့ပေးခြင်း၊ ပြည်တွင်း၊ ပြည်ပနှင့် နိုင်ငံအကျိုးပြု လုပ်ငန်းများတွင် ပြန်လည်လုပ်ကိုင်စေ ခြင်း၊ ပညာရည်ချွန်ဆုများ ချီးမြှင့်ခြင်း၊ မိဘမဲ့ကလေးနှင့် မသန်စွမ်းကလေး များအား ထောက်ပံ့ပေးခြင်း၊ ကျောင်းသုံး စာအုပ်များကို စာသင်နှစ်တစ်နှစ်ချင်း အတွက် ငှားရမ်းပေးပြီး မျှဝေသုံးစွဲစေသည့်ဓလေ့နှင့် စနစ်တကျသုံးစွဲနိုင်ရန် စီစဉ်ပေးခြင်း၊ ဘာသာရပ်ဆိုင်ရာ ဟောပြောပွဲများ အခါအား လျော်စွာ ကျင်းပပေးခြင်း စသည်များကို ဆောင်ရွက်သွားမည်ဖြစ်သည်။

ကျန်းမာရေးကဏ္ဍတွင် ကိုယ်ဝန် ဆောင် မိခင်များအား ကျန်းမာရေးအသိ ပေးခြင်း၊ မီးဖွားစရိတ်ထောက်ပံ့ခြင်း၊ အခမဲ့ မီးဖွား ပေးခြင်း၊ အခမဲ့ဆေးပေးခန်း နှင့် မီးဖွားဆောင်များအတွက် ငွေပဒေ သာပင်များ မတည်ခြင်းနှင့် နယ်လှည့် ဆေးကုသရေးအဖွဲ့များ စေလွှတ်ခြင်းတို့ ပါဝင်သည်။

ဖောင်ဒေးရှင်း၏လုပ်ငန်းများကို စိတ်ပါဝင်စားသူများနှင့် အလှူရှင်များကိုလည်း ပူးပေါင်းပါဝင်ကြရန် ဖိတ်ခေါ်ကြောင်း ဒေါက်တာ ခင်ရွှေက ပြောကြားသည်။

Categories: Local NGOs, Public
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

– လှုပ်ခတ်နေသောမှတ်စုများ (DVB) –

Categories

free counters