Home > International, Other Organization > ငွေလဲနှုန်းကိစ္စ အပြည်ပြည်ဆိုင်ရာ ငွေကြေးရန်ပုံငွေအဖွဲ့က ကူညီနိုင်ဦးမည် မဟုတ်သေး

ငွေလဲနှုန်းကိစ္စ အပြည်ပြည်ဆိုင်ရာ ငွေကြေးရန်ပုံငွေအဖွဲ့က ကူညီနိုင်ဦးမည် မဟုတ်သေး

အေးသီတာကျော်
အတွဲ ၂၇ ၊ အမှတ် ၅၄၁ ( ၂၈၊၁၀ – ၄၊၁၁ ၊ ၂၀၁၁) (MT)

မြန်မာနိုင်ငံတွင် ရောက်ရှိနေသည့် အပြည်ပြည်ဆိုင်ရာ ငွေကြေးရန်ပုံငွေ အဖွဲ့ (IMF) ဦးဆောင်သည့် ကိုယ်စားလှယ် အဖွဲ့အနေဖြင့် အများမျှော်မှန်း ထားသလို ငွေလဲနှုန်းကိစ္စ ပြုပြင်ပြောင်းလဲရေး၌ တစ်စုံတစ်ရာ အကူအညီပေးနိုင်မည် မဟုတ်သေးကြောင်းနှင့် ၎င်းတို့ ဘက်က မည်မည်ရရ ဘာမျှပြောမသွားခဲ့ကြောင်း IMF နှင့် အဓိကဆွေးနွေးခဲ့သူ မြန်မာနိုင်ငံကုန်သည်များနှင့် စက်မှု လက်မှု လုပ်ငန်းရှင်များ အသင်းချုပ် ဒုတိယဥက္ကဋ္ဌ ဒေါက်တာမောင်မောင်လေးက ပြောသည်။

ငွေလဲနှုန်းကိစ္စအတွက် မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်း ရှင်များအသင်းချုပ်တွင် ကုန်သည်နှင့် လုပ်ငန်းရှင်များ၏ အခြေအနေသတင်း အချက်အလက်ယူကာ လေ့လာဆန်း စစ်ပြီး ၂၀၁၂ ခုနှစ်၊ ဇန်န၀ါရီ (သို့မဟုတ်) ဖေဖော်ဝါရီလတွင် ထပ်မံလာရောက် ဆွေးနွေးမည်ဟု ဒေါက်တာမောင်မောင် လေးက ပြောသည်။

“IMF က နှစ်စဉ်လာတယ်။ ဒီက အခြေအနေတွေလေ့လာတယ်။ ဒါပေမယ့် သူတို့ကစက္ကူကျားလို၊ မပြီးသေးတဲ့ ပန်းချီကားတစ်ချပ် လိုဖြစ်နေတယ်။ အမေရိကားမှာလည်း သူတို့ဘာမှမလုပ်နိုင်သေးဘူး။ ဂျပန်မှာငွေလဲနှုန်းသိပ်မာနေတာကိုလည်း သူတို့ဘာမှမလုပ်နိုင် သေးဘူး။ “ငွေလဲနှုန်းကိစ္စကို သူတို့အရမ်း မလုပ်ရဲဘူး။ ဘယ်သူမှလုပ်လို့မရဘူး။ အစိုးရအနေနဲ့လည်း သူတို့ဖြစ်ချင်သလို လုပ်လို့ မရဘူး။ ဘာလို့လဲဆိုတော့ ဆန် (တင်ပို့သူ)အတွက် တစ်ဒေါ်လာ ကျပ် ၈၀၀ နှုန်းဆို လုံလောက်တယ်။ ငါး(တင်ပို့သူ)ကျတော့ ကျပ် ၉၀၀ မှ ဖြစ်တယ်။ ဒါဈေးကွက်ကပဲ လုပ်သွားတာ” ဟု ၎င်းကပြောသည်။

IMF ၏ စည်းမျဉ်းအပိုဒ်ခွဲ (ဇ) အရ လာရောက်သည့် အဆိုပါ မစ်ရှင်အဖွဲ့နှင့်အတူ ကမ္ဘာ့ဘဏ်နှင့် အာရှဖွံ့ဖြိုးရေး ဘဏ်အဖွဲ့ဝင် များလည်း ပါဝင်သည်။

ယခုမစ်ရှင်၏အကြီးအကဲ မယ်ရယ် ကာရာဆူလူက ယခုခရီးစဉ်သည် အဓိ က အားဖြင့် ငွေကြေးစနစ်ဆိုင်ရာ ရောဂါ လက္ခဏာများကို ရှာဖွေရန်သာဖြစ်ပြီး ငွေကြေးလုပ်ထုံးလုပ်နည်းဆိုင်ရာ ကျင့် သုံးဆဲ မူဘောင်များကို သိရှိနားလည် ရန်သာဖြစ်သည်ဟု ပြောသည်။

IMF ၏ စည်းမျဉ်းအပိုဒ်ခွဲ (ဇ)အရ အဖွဲ့ဝင်နိုင်ငံများသည် ငွေပေးချေမှု၊ ငွေ လွှဲပြောင်းမှုဆိုင်ရာကိစ္စများအပေါ် ကန့်သတ်ချက်များ မချမှတ်ရန်၊ တစ်ပြေးညီ မဟုတ်သော ငွေကြေးလုပ်နည်းလုပ် ဟန်များနှင့် အမျိုးမျိုးကွဲပြားသည့် ငွေလဲ လှယ်စနစ်များကို မကျင့် သုံးရန် စသည့် အချက်များကို လိုက်နာရသည်။

အဆိုပါအဖွဲ့သည် လွန်ခဲ့သော ခြောက်နှစ်ခန့်ကပင် နှစ်စဉ်လာရောက် ပြီး ဗဟိုဘဏ်၊ ပုဂ္ဂလိကဘဏ်များနှင့် စီးပွားရေးကဏ္ဍစုံကို လေ့လာခဲ့သည်။

ယခုတစ်ကြိမ် လာရောက်ရခြင်းမှာ အမျိုးမျိုး ကွဲပြားနေသည့် အမေရိကန် ဒေါ်လာ၊ FEC နှင့် ပို့ကုန်ရဒေါ်လာတို့ နှင့် မြန်မာကျပ် လဲလှယ်နှုန်းများအား တပေါင်းတည်းဖြစ်စေရန်အတွက် အကြံ ဉာဏ်နှင့် အကူအညီပေးရန်ဖြစ်သည်။

“ဒီနှစ်က ထူးခြားတာကတော့ မြန်မာ နိုင်ငံက အစိုးရသစ်လည်းပြောင်းသွားတယ်။ ငွေလဲလှယ်နှုန်းကိုလည်း မြင် သာထင်သာတဲ့၊ ပိုပြီးတော့ ယုတ္တိကျတဲ့၊ ငွေလဲနှုန်းလုပ်လိုတဲ့ဆန္ဒရှိတယ်။ မြန်မာ အစိုးရက ဒါကိုအသိပေးထားပြီး ကြိုဆို တယ်နဲ့တူတယ်”ဟု စီးပွားရေးပညာရှင် ပါမောက္ခဦးမော်သန်းကပြောသည်။

၎င်းက ငွေကြေးတည်ငြိမ်စေရန် အမိန့်ပေးခြင်းထက် ငွေကြေးအာဏာ ပိုင်က ၀ယ်လိုအား ရောင်းလိုအား မျှတစေရန် ထိန်းညှိ သွားသင့်သည်ဟု ပြောသည်။

“အမိန့်ပေးပြီး တည်ငြိမ်အောင်လုပ်လို့မရဘူး။ စီးပွားရေး သဘောတရားက ၀ယ်လိုအားနဲ့ရောင်းလိုအားပေါ်တည်ပြီး ဖြစ်လာတဲ့ ဟာကို အမိန့်ပေးလို့ မရဘူး။ နိုင်ငံတော်အာဏာပိုင်တွေက လည်း ဒါကိုသိလို့ ဒေါ်လာဈေးကျတာကို တက်အောင် လုပ်နေတာပဲ မဟုတ် လား”ဟု ၎င်းကပြောသည်။

၂၀၀၉၊ ၂၀၁၀ ပြည့်နှစ် ကာလများက တစ်ဒေါ်လာ ကျပ် ၁,၂၀၀ ၀န်းကျင်ရှိခဲ့ သည့်အချိန်တွင် တစ်ဒေါ်လာလျှင် ဂျပန်ယန်း ၁၂၀ ရှိခဲ့သည်။ တစ် ဒေါ်လာယန်း ၁၀၀ တွင် ကျပ် ၁,၀၀၀ ဖြစ်သည်။ သို့ဖြစ်ရာ အောက်တိုဘာလ စတုတ္ထပတ်တွင် ဂျပန်ယန်းမှာ ၇၆ သာ ရှိသည်။

“ဒေါ်လာရဲ့ နိုင်ငံတကာ မျက်နှာစာ နှုန်းက မရှုမလှဖြစ်နေတယ်။ အမေရိ ကားရဲ့ စီးပွားရေးပေါ်အခြေခံပြီး ကမ္ဘာနဲ့ တစ်ဝန်း ဒေါ်လာ တန်ဖိုးက ကျနေတယ်။ တစ်ဒေါ်လာ ၇၉၀ လောက်ရှိတာကို ၉၀၀ ဆိုပြီး အတင်းသွားလုပ်လို့တော့ မရဘူး။ သဘာဝအားကို သိပ်လွန်ဆန်လို့ တော့ မရဘူး။ အခိုက်အတန့်လောက်ပဲ”ဟု ၎င်းကပြောသည်။

မြန်မာနိုင်ငံ၏ ငွေလဲနှုန်းအခြေအနေအတွက် IMF ၏ အကူအညီသည် အဓိကကျပြီး ငွေကြေးအကူအညီမျိုးထက် အကြံပြုခြင်း၊ ကြီးကြပ်ကွပ်ကဲခြင်းနှင့် အကဲဖြတ်ဆောင်ရွက်ခြင်းတို့ လုပ်ဆောင်ပေးနိုင်ကြောင်း အစိုးရဘဏ်မှ တာဝန်ရှိသူတစ်ဦးက ပြောသည်။

ယခုနှစ်ဇန်န၀ါရီလအတွင်းကလည်း IMF ၏ စည်းမျဉ်းအပိုဒ်ခွဲ (ဃ) မစ်ရှင် အဖွဲ့သည် ဗဟိုဘဏ်သို့လာရောက်ပြီး မြန်မာနိုင်ငံ၏ ငွေကြေးအခြေအနေများကို သုံးသပ်ခဲ့သည်။

Advertisements
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

– လှုပ်ခတ်နေသောမှတ်စုများ (DVB) –

Categories

free counters